ലോകകപ്പിനെത്തുന്ന വെള്ളക്കാരല്ലാത്തവരുമായി ലൈംഗിക ബന്ധത്തില് ഏര്പ്പെടുത്തരുതെന്ന് റഷ്യന് സ്ത്രീകള്ക്ക് അധികൃതരുടെ മുന്നറിയിപ്പ്. ഇത്തരം ബന്ധങ്ങളില് ഉണ്ടാകാനിടയുള്ള കുട്ടികള് വിവേചനം നേരിടാന് ഇടയുണ്ടെന്ന് ചൂണ്ടിക്കാട്ടിയാണ് റഷ്യന് വനിതാ, ശിശു കുടുംബ ക്ഷേമ പാര്ലമെന്ററി കമ്മിറ്റി അധ്യക്ഷ തമാര പ്ലന്യോവയുടെ മുന്നറിയിപ്പ്.
വിദേശികളെ വിവാഹം ചെയ്യുന്ന റഷ്യന് വനിതകളുടെ ബന്ധങ്ങള് അധിക കാലം നീണ്ടുനില്ക്കാറില്ല. ഇത്തരക്കാര്ക്ക് തങ്ങളുടെ കുട്ടികളെ കൂടെകൂട്ടാന് പോലും കഴിയാറില്ലെന്നും അവര് പറയുന്നു. ആഫ്രിക്കന് വംശജര് ഉള്പ്പെടെയുള്ളവരില് നിന്നും ഗര്ഭം ധരിച്ചുണ്ടാവുന്ന വെളുത്തനിറമില്ലാത്ത ചില്ഡ്രണ് ഓഫ് ഒളിപിക്സ് എന്നറിയപ്പെടുന്ന കുട്ടികളെ കുറിച്ചുള്ള പ്രദേശിക റേഡിയോ ജോക്കിയുടെ ചോദ്യങ്ങള്ക്ക് മറുപടി പറയുകയായിരുന്നു തമാര പ്ലന്യോവ.
1980 ലെ മോസ്കോ ഒളിംപിക്സ് കാലത്ത് ഗര്ഭനിരോധന മാര്ഗങ്ങള് വ്യാപകയമായി ഉപയോഗിക്കപ്പെട്ടിരുന്നില്ല. ഇക്കാലയവില് റഷ്യന് സ്ത്രീകള്ക്ക് ജനിച്ച വെളുത്തനിറമില്ലാത്ത കുട്ടികളെയാണ് ചില്ഡ്രണ് ഓഫ് ഒളിപിക്സ് എന്ന പേരില് അറിയപ്പെടുന്നത്. ഇത്തരത്തില് ആഫ്രിക്കന്, ലാറ്റിന് അമേരിക്കന്, ഏഷ്യന് പാരമ്പര്യമുള്ള കുട്ടികള് വ്യാപകമായ വിവേചനമാണ് റഷ്യയില് നേരിട്ടിരുന്നത്. നമ്മള് ജന്മം നല്കേണ്ടത് തങ്ങളുടെ കുട്ടികളെയാണ്. സോവിറ്റ് കാലം മുതല് വിവേചനം അനുഭവിക്കുന്നവരാണ് മറ്റ് കുട്ടികള്, ഈ സാഹചര്യം ഇനി ഉണ്ടാവരുതെന്നും അവര് പറയുന്നു. തന്നെ ദേശീയ വാദിയായി കാണരുതെന്നും അവര് ആവശ്യപ്പെടുന്നു.
ലോകകപ്പ് മല്സരങ്ങളുടെ ഭാഗമായി ലോകത്തിന്റെ വിവിധ ഭാഗങ്ങളില് നിന്നും ലക്ഷകണക്കിന് പേര് റഷ്യയിലെത്തുന്ന സാഹചര്യത്തിലാണ് മുന്നറിയിപ്പ്.
അന്ന് തടഞ്ഞു, ഇന്നിപ്പോള് മകനെയോര്ത്ത് അഭിമാനിക്കുകയാണ് ഈ ഉമ്മ; ഫല്ഹാന്റെ കളിയും ജീവിതവും: ഭാഗം 2
അഴിമുഖം വാട്സാപ്പില് ലഭിക്കാന് 7356834987 എന്ന നമ്പര് നിങ്ങളുടെ മൊബൈലില് സേവ് ചെയ്യൂ… നിങ്ങളുടെ പേര് പറഞ്ഞുകൊണ്ടു ഒരു വാട്സ്ആപ്പ് മെസേജ് ഞങ്ങളുടെ നമ്പറിലേക്ക് അയക്കുക.
This post was last modified on June 16, 2018 1:55 pm