ഹെലിപാഡ് സൗകര്യം അടക്കമുള്ള ചങ്ങനാശ്ശേരി എൻ. എസ്. എസ് ഹിന്ദു കോളേജ് ദുരിതാശ്വാസത്തിനു തുറന്നു കൊടുക്കണം എന്ന ആവശ്യം ശക്തമാകുന്നു. 2 ഹൈസ്കൂള്‍, ഹയര്‍ സെക്കന്ററി ഉള്‍പ്പടെ മിനിമം 5000 പേരെ ഉൾക്കൊള്ളാവുന്ന കോളേജ് പ്രളയക്കെടുതിയിൽ നട്ടം തിരിയുന്ന ഈ വേളയിൽ അടച്ചിടുന്നത് വലിയ പ്രതിഷേധത്തിന് ഇടയാക്കിയിട്ടുണ്ട്.
കേരളത്തിലെ മഴക്കെടുതി ഏറ്റവും രൂക്ഷമായ പ്രദേശങ്ങളുടെ സമീപ പ്രദേശത്താണ് എൻ എസ് എസ് മാനേജ്‌മെന്റിന്റെ ഈ സ്ഥാപനം. കരയോഗങ്ങള്‍ വഴി പറഞ്ഞിട്ടും കോളേജ് അധികൃതർക്ക് യാതൊരു അനക്കവുമില്ലെന്ന് ബന്ധപ്പെട്ടവർ അറിയിക്കുന്നു. കുട്ടനാട്ടിലെ ക്യാംപിൽ ആളുകളെ ഉൾക്കൊള്ളിക്കാൻ ആവാതെ രക്ഷാപ്രവർത്തകർ നട്ടം തിരിയുമ്പോഴാണ് ഇത്രയും സൗകര്യം ഉള്ള ഒരു കോളേജ് അധികൃതരുടെ തെറ്റായ സമീപനം.