ലോകകപ്പില് ഇന്ത്യയ്ക്കെതിരെ ടോസ് നേടിയ ശ്രീലങ്കന് നായകന് ദിമുത് കരുണരത്നെ ബാറ്റിങ് തിരഞ്ഞെടുത്തു. ഇന്ത്യന് നിരയില് മുഹമ്മദ് ഷമി, യുസ്വേന്ദ്ര ചെഹല് എന്നിവര്ക്ക് വിശ്രമം അനുവദിച്ചു. പകരം കുല്ദീപ് യാദവ്, രവീന്ദ്ര ജഡേജ എന്നിവര് ടീമിലെത്തി. ജഡേജയ്ക്ക് ഈ ലോകകപ്പില് ഇത് ആദ്യ മല്സരമാണ്. ശ്രീലങ്കന് നിരയിലും ഒരു മാറ്റമുണ്ട്. വാര്ഡര്സേയ്ക്കു പകരം തിസാര പെരേര ടീമില് തിരിച്ചെത്തി.
യോര്ക്ഷര് ക്രിക്കറ്റ് ക്ലബ്ബിന്റെ ആസ്ഥാന മൈതാനമായ ഹെഡിങ്ലിയില് ശ്രീലങ്കയ്ക്കെതിരെ ഇന്ന് ഇന്ത്യക്ക് പ്രാഥമിക റൗണ്ടിലെ അവസാന പോരാട്ടമാണ്. ഈ മത്സര ഫലമാകും ഇന്ത്യയുടെ സെമിയിലെ എതിരാളികളെ നിശ്ചയിക്കുന്നത്. പോയിന്റ് പട്ടികയിലെ നില മെച്ചപ്പെടുത്തുന്നതിലുപരി നോക്കൗട്ട് ഘട്ടത്തില് ആത്മവിശ്വാസം വര്ധിപ്പിക്കാനും
ഇന്ത്യക്ക് വിജയം അനിവാര്യമാണ്.
This post was last modified on July 6, 2019 3:03 pm
Leave a Comment