ലോകത്തിലെ ഏറ്റവുംനീളമേറിയ കൊടുമുടിയുടെ ഉയരം കുറഞ്ഞുവരുന്നെന്ന ശക്തമായ ഊഹം നിലനില്‍ക്കുന്ന സാഹചര്യത്തില്‍ എവറസ്റ്റ് കൊടുമുടിയുടെ ഉയരം വീണ്ടും അളക്കാന്‍ നേപ്പാള്‍ ഒരുങ്ങുന്നു.
2015ല്‍ നേപ്പാളിലുണ്ടായ ഭൂകമ്പത്തിനുശേഷം കൊടുമുടിയുടെ ഉയരം കുറഞ്ഞതായി ചര്‍ച്ചകള്‍ ഉയര്‍ന്നിരുന്നു. ഈ സാഹചര്യത്തില്‍ കൂടിയാണ് ഇങ്ങനെയെരു തിരുമാനം. ഇതിനായി കൊടുമുടി കയറുന്നതില്‍ വൈദഗ്ധ്യം നേടിയ ഒരു സംഘത്തെ സര്‍ക്കാര്‍ നിയോഗിക്കുമെന്ന് ഉദ്യോഗസ്ഥര്‍ തിങ്കളാഴ്ച അറിയിച്ചു.
നാലുപേരടങ്ങുന്ന സംഘം ബുധനാഴ്ച ഈ ദൗത്യമാരംഭിക്കും. നേപ്പാള്‍-ചൈന അതിര്‍ത്തിയില്‍ നിലകൊള്ളുന്ന എവറസ്റ്റിന് 8,848 മീറ്റര്‍(29,029 അടി) ആണ് നിലവിലെ ഔദ്യോഗിക ഉയരം.