വോട്ട് കിട്ടാനായി വര്ഗ്ഗീയ വിദ്വേഷം പരത്തിയതിനാണ് അഴിക്കോട് എംഎല്എ കെഎം ഷാജിയെ ഹൈക്കോടതി അയോഗ്യനാക്കിയത്. അമുസ്ലീമിന് വോട്ട് ചെയ്യരുതെന്നും അവര് ചെകുത്താന്റെ കൂടെ അന്തിയുറങ്ങേണ്ടവരാണെന്നും മുഹമ്മിയനായ കെ മുഹമ്മദ് ഷാജിയെന്ന കെ എം ഷാജി വിജയിക്കാന് എല്ലാ മുസ്ലിംഗളും പ്രാര്ത്ഥിക്കണമെന്നാണ് ലഘുരേഖയില് ആവശ്യപ്പെട്ടിരിക്കുന്നത്. പരാതിക്കാരനായ എം വി നികേഷ് കുമാറാണ് ഈ ലഘുരേഖ കോടതിയില് സമര്പ്പിച്ചത്.
ഒപ്പം വര്ഗ്ഗീയ ഉള്ളടക്കമുള്ളതും നികേഷിനെ അപകീര്ത്തിപ്പെടുത്തുന്നതുമായ പരാമര്ശങ്ങളുമുണ്ടായിരുന്നു. പോസ്റ്ററില് പറയുന്നത് ഇങ്ങനെ: ‘കാരുണ്യവാനായ അല്ലാഹുവിന്റെ അടുക്കല് അമുസ്ലിങ്ങള്ക്ക് സ്ഥാനമില്ല. അന്ത്യനാളില് അവര് സിറാത്തിന്റെ പാലം ഒരിക്കലും കടക്കുകയില്ല. അവര് ചെകുത്താന്റെ കൂടെ അന്തിയുറങ്ങേണ്ടവരാണ്. അഞ്ച് നേരം നമസ്കരിച്ച് നമ്മള്ക്കു വേണ്ടി കാവല് തേടുന്ന ഒരു മുഹ്മിനായ കെ മുഹമ്മദ് ഷാജിയെന്ന കെ.എം ഷാജി വിജയിക്കാന് എല്ലാ മുഹ്മിനുകളും അല്ലാഹുവിനോട് പ്രാര്ത്ഥിക്കണം’.
‘സത്യ വിശ്വാസികളേ! ദുര്മാര്ഗിയായ ഒരാള് നിങ്ങളുടെ അടുത്ത് ഒരു വാര്ത്തയും കൊണ്ട് വന്നാല് (അതിനെപ്പറ്റി) അന്വേഷിച്ച് സത്യാവസ്ഥ മനസ്സിലാക്കുക. അറിയാത്തവരായി ഒരു ജനതക്ക് നിങ്ങള് ഒരാപത്ത് വരുത്തി വെക്കുകയും എന്നിട്ട് അങ്ങനെ ചെയ്ത പ്രവൃത്തിയില് നിങ്ങള് ഖേദിക്കുന്നവരാവുകയും ചെയ്യാതിരിക്കുവാന്’ എന്ന ഖുറാന് വചനവും പോസ്റ്ററില് ചേര്ത്തിട്ടുണ്ട്.
അസ്സലാമു അലൈക്കും വ റഹ്മത്തുല്ലാഹി വബറക്കാത്തുഹു എന്ന് അഭിവാദ്യം ചെയ്തുകൊണ്ടാണ് പോസ്റ്റര്. ബിസ്മില്ലാഹി റഹ്മാനി റഹീം ( പരമകാരുണ്യവാനും കരുണാനിധിയുമായ ദൈവത്തിന്റെ നാമത്തില്) എന്നാണ് പോസ്റ്റര് തുടങ്ങുന്നത്.
This post was last modified on November 9, 2018 1:30 pm
Leave a Comment