അഴിമുഖം പ്രതിനിധി
രാജ്യ തലസ്ഥാനമായ ഡൽഹിയുടെ ഭരണത്തലവൻ ലഫ്റ്റണന്‍റ് ഗവർണർ നജീബ് ജങ് തന്നെയെന്ന് ഡൽഹി ഹൈകോടതി വിധി. ഡൽഹിയിൽ ഭരണം നടത്തുന്നതാരെന്നത് സംബന്ധിച്ച തർക്കത്തിൽ അരവിന്ദ് കെജ്രിവാളിന് തിരിച്ചടിയായാണ്‌ ഈ വിധിയെത്തിയത്. ഗവർണർ മന്ത്രിസഭയുടെ ഉപദേശം സ്വീകരിക്കാൻ ബാധ്യസ്ഥനാണെന്ന ആംആദ്മി സർക്കാറിന്‍റെ വാദം കഴമ്പില്ലാത്തതും അംഗീകരിക്കാനാവാത്തതാണെന്നും കോടതി ചൂണ്ടിക്കാട്ടി.
ഭാഗിക സംസ്ഥാന പദവി മാത്രമുള്ള ഡൽഹിയിൽ പൊലീസും മറ്റ് സുപ്രധാന വകുപ്പുകളും കേന്ദ്രസർക്കാറിെൻറ നിയന്ത്രണത്തിലാണ്. ഉദ്യോഗസ്ഥരെ നിയമിക്കുന്ന കാര്യത്തിൽ ഡൽഹി സർക്കാറിന് അധികാരമില്ലെന്ന് വ്യക്തമാക്കി കഴിഞ്ഞ വർഷം കേന്ദ്രസർക്കാർ പുറത്തിറക്കിയ വിജ്ഞാപനം എ.എ.പി സർക്കാർ ഡൽഹി ഹൈകോടതിയിൽ ചോദ്യം ചെയ്തിരുന്നു. ഇതേത്തുടര്‍ന്ന് ഡൽഹിയിലെ ഭരണഘടനാപരമായ അധികാരങ്ങൾ കേന്ദ്രത്തിനും ഡൽഹി സർക്കാറിനുമായി വിഭജിച്ച് ഡൽഹി ഹൈകോടതി ഉത്തരവ് പുറപ്പെടുവിച്ചിരുന്നു.
This post was last modified on December 27, 2016 4:31 pm