ഓരോ ദിവസം കഴിയുന്തോറും ഉളുപ്പില്ലായ്മയുടെ ഊരാളന്മാരാവുകയാണ് നമ്മുടെ ഗവണ്മെന്റെന്ന് നടന് ജോയിമാത്യു. ജിഷ്ണു പ്രണോയ്-യുടെ മരണത്തില് നീതി ആവിശ്യപ്പെട്ട് പ്രതിഷേധത്തിനെത്തിയ അമ്മ മഹിജയോടുള്ള പോലീസ് നടപടിയില് സര്ക്കാരിനെ രൂക്ഷമായി വിമര്ശിച്ചിരിക്കുകയാണ് ജോയ് മാത്യു. തന്റെ ഫെയ്സ്ബുക്ക് പോസ്റ്റിലൂടെ ജോയി മാത്യു പറഞ്ഞിരിക്കുന്നത് ‘രാജനെപ്പോലുള്ള രക്തസാക്ഷികളെ വില്പ്പനക്ക് വെച്ച് അധികാരത്തിലേറിയ ഇടതുപക്ഷം ഇപ്പോഴിതാ ജിഷ്ണുവിന്റെ അമ്മക്ക് നീതി നിഷേധിക്കുന്നു’
ജോയിമാത്യുവിന്റെ ഫെയ്സ്ബുക്ക് പോസ്റ്റ്
‘അടിയന്തിരാവസ്ഥയില് പോലീസ് ഉരുട്ടിക്കൊന്ന എന്ജിനീയറിംഗ് വിദ്യാര്ത്ഥി രാജന്റെ അച്ഛന് ഈച്ചരവാര്യര് തന്റെ മകന് നീതി ലഭിക്കാന് മരണംവരെ പോരാടി. രാജനെപ്പോലുള്ള രക്തസാക്ഷികളെ വില്പ്പനക്ക് വെച്ച് അധികാരത്തിലേറിയ ഇടതുപക്ഷം ഇപ്പോഴിതാ ജിഷ്ണുവിന്റെ അമ്മക്ക് നീതി നിഷേധിക്കുന്നു. തേന്കുടത്തില് വീണുപോയ ഒരു വൃദ്ധ മന്ത്രിയുടെ നിരപരാധിത്വം അന്വേഷിക്കാന് ഇരുപത്തിനാലു മണിക്കൂറിനുള്ളില് ജുഡീഷ്യല് അന്വേഷണം. നീതിക്കു വേണ്ടി പോരാടുന്ന മകന് നഷ്ടപ്പെട്ട ഒരമ്മക്ക് പോലീസ് മര്ദ്ദനവും ജയിലും. ഓരോ ദിവസം കഴിയുന്തോറും ഉളുപ്പില്ലായ്മയുടെ ഊരാളന്മാരാവുകയാണ് നമ്മുടെ ഗവണ്മെന്റ്.’
This post was last modified on April 5, 2017 2:43 pm
Leave a Comment