അട്ടപ്പാടിയില് വീണ്ടും ശിശുമരണം. അട്ടപ്പാടി മുക്കാലിയിലെ സന്തോഷ്, അനിത ദമ്പതികളുടെ രണ്ടു ദിവസം മാത്രം പ്രായമുളള കുഞ്ഞാണ് മരിച്ചത്. ആരോഗ്യവകുപ്പിന്റെ കണക്കുകള് പ്രകാരം ഈ വര്ഷം ഇതുവരെ 13 നവജാത ശിശുക്കള് മരിച്ചെന്ന് റിപ്പോര്ട്ട് ഉണ്ട്.
കഴിഞ്ഞവര്ഷം എട്ടു ശിശുമരണമാണ് റിപ്പോര്ട്ട് ചെയ്തത്. 2015ന് ശേഷം ഏറ്റവുമധികം ശിശുമരണം റിപ്പോര്ട്ട് ചെയ്തതും ഈ വര്ഷമാണ്. ഈ വര്ഷം റിപ്പോര്ട്ട് ചെയ്ത മരണങ്ങളില് ആറെണ്ണവും ജനനവൈകല്യം മൂലമാണ്. ഹൃദയവാല്വ്, അന്നനാളം, ശ്വാസകോശം, എന്നിവയ്ക്കുണ്ടാകുന്ന തകരാര് ഹൃദയാഘാതം എന്നിവ കാരണമാണ് മരണമേറെയും. ഗര്ഭസ്ഥ ശിശുമരണവും കുറയ്ക്കാന് സാധിച്ചിട്ടില്ല.
കഴിഞ്ഞവര്ഷം എട്ടു ഗര്ഭസ്ഥ ശിശുമരണങ്ങള് സംഭവിച്ചിടത്ത് ഈ വര്ഷം ആറുമരണമുണ്ടായി. 2014ല് 15ഉം, 2015ല് 14ഉം, 2016ല് എട്ടും, 2017 സെപ്റ്റംബര് വരെ 13ഉം ശിശുമരണമാണ് റിപ്പോര്ട്ട് ചെയ്യപ്പെട്ടത്.
This post was last modified on September 22, 2017 12:15 pm