ജമ്മുകശ്മീരിലെ ബാരമുള്ളയില് കൂട്ടബലാല്സംഗത്തിന് ഇരയായി കൊല്ലപ്പെട്ട 9 വയസ്സുകാരി മരണത്തിന് മുന്പ് നേരിട്ടത് ക്രൂരപീഡനങ്ങളെന്ന് റിപോര്ട്ട്. പെണ്കുട്ടിയുടെ പിതാവിന്റെ രണ്ടാം ഭാര്യയുടെ നേതൃത്വത്തിലായിരുന്നു പീഡനങ്ങള് അരങ്ങേറിയത്. കുട്ടിയെ ആളൊഴിഞ്ഞ വനപ്രദേശത്ത് എത്തിച്ച് രണ്ടാനമ്മയുടെ 14 കാരനായ മകനും കൂട്ടുകാരും ചേര്ന്ന് കൂട്ട ബലാത്സംഗത്തിന് ഇരയാക്കിയ ശേഷമായിരുന്നു കൊലപാതകം. രണ്ടാനമ്മ കുട്ടിയുടെ തലയ്ക്ക് മഴുവെച്ച് അടിച്ചാണ് മരണം ഉറപ്പാക്കുന്നത്. കുട്ടിയെ ആളൊഴിഞ്ഞ വനപ്രദേശത്ത് എത്തിച്ച് രണ്ടാനമ്മയുടെ 14 കാരനായ മകനും കൂട്ടുകാരും ചേര്ന്ന് കൂട്ട ബലാത്സംഗത്തിന് ഇരയാക്കുകയായിരുന്നു.
കുട്ടത്തില്പ്പെട്ട ഒരാള് കുട്ടിയുടെ കണ്ണുകള് ചൂഴ്ന്നെടുത്തു. ശരീരത്തിലെ സ്വകാര്യ ഭാഗങ്ങളില് ആസിഡ് ഒഴിച്ച് പൊള്ളിച്ച നിലയിലായിരുന്നെന്നും പോലീസ് പറയുന്നു. അഴുകിത്തുടങ്ങിയ മൃതദേഹം പോസ്റ്റ്മോര്ട്ടം നടത്തിയതോടെയാണ് ക്രൂരത വെളിപ്പെട്ടതെന്നും കശ്മീര് എസിപി പറയുന്നു.
ബാരമുള്ള ജില്ലയില് കഴിഞ്ഞ മാസം 23-ാം തീയതി കാണാതായ ഒമ്പത് വയസ്സുകാരിയെ ചൊവ്വാഴ്ചയാണ് കൊല്ലപ്പെട്ട നിലയില് കണ്ടെത്തിയത്. പൈന്മരങ്ങള്ക്കിടയിലെ കുറ്റിക്കാട്ടില് അഴുകിയ നിലയിലായിരുന്നു കുട്ടിയുടെ മൃതദേഹം കണ്ടെത്തിയത്. കൊലപാതകത്തിന് ഉപയോഗിച്ച ആയുധങ്ങളെല്ലാം സമീപത്ത് വെച്ച് തന്നെ പൊലീസ് കണ്ടെത്തിയിരുന്നു. പെണ്കുട്ടിയുടെ അച്ഛന് കുട്ടിയെ കാണാനില്ലെന്ന് കാട്ടി പരാതിയും നല്കിയിരുന്നു.
സംഭവത്തില് പെണ്കുട്ടിയുടെ രണ്ടാനമ്മയും സഹോദരനുമടക്കം അഞ്ചുപേരെ പൊലീസ് അറസ്റ്റ് ചെയ്തിട്ടുണ്ട്. ഭര്ത്താവിന്റെ ആദ്യ ഭാര്യയിലുണ്ടായ പെണ്കുട്ടി കാരണം തന്റെ മക്കള്ക്ക് അച്ഛന്റെ സ്നേഹം ലഭിക്കുന്നില്ലെന്നും അതുകൊണ്ടാണ് കുട്ടിയെ കുടുംബത്തില് നിന്ന് ഒഴിവാക്കാന് ശ്രമിച്ചതെന്നും അറസ്റ്റിലായ രണ്ടാനമ്മ പൊലീസിന് മൊഴി നല്കിയിട്ടുണ്ട്.