ഓച്ചിറയിൽ നിന്ന് തട്ടിക്കൊണ്ട് പോയ പെൺകുട്ടിയുമായി ഏറെ നാളായി പ്രണയത്തിലായിരുന്നെന്ന് പ്രതി മുഹമ്മദ് റോഷൻ. കുട്ടിക്ക് 18 വയസ്സായിട്ടുണ്ടെന്നും റോഷൻ മാധ്യമങ്ങളോട് പ്രതികരിച്ചു. പെൺകുട്ടിയെയും യുവാവിനെയും മുംബൈയിൽ കണ്ടെത്തിയതിന് പിറകെ മാധ്യങ്ങളോട് പ്രതികരിക്കുകയായിരുന്നു അദ്ദേഹം. ഇന്ന് രാവിലെയാണ് മുംബൈയിൽ നിന്നുമാണ് ഓച്ചിറയിൽ നിന്നുള്ള പെണ്കുട്ടിയെയും യുവാവിനെയും മുബൈയിലെ ഒരു ചേരിയില് നിന്നാണ് ഇവരെ കണ്ടെത്തിയത്. കേരള പോലീസിന്റെ പ്രത്യേക സംഘമാണ് പെൺകൂട്ടിയെയും യുവാവിനെയും കണ്ടെത്തിയത്.
അതേസമയം, ഇരുവരെയും ഇന്ന് വൈകീട്ടോടെ കേരളത്തിലെത്തിക്കുമെന്നാണ് വിവരം. ഇരുവരെയും അവിടെ കോടതിയില് ഹാജറാക്കിയ ശേഷമായിരിക്കും കേരളത്തിലെത്തിക്കുക. സ്വമേധയാ പോയതാണെന്നും. ആരും തട്ടിക്കൊണ്ട് പോയതല്ലെന്നും തനിക്ക് റോഷന് ഒപ്പം പോയാല് മതിയെന്നും പെണ്കുട്ടി പോലീസിനോട് പറഞ്ഞതായി സൂചനയുണ്ട്.
പത്ത് ദിവസങ്ങള്ക്ക് മുൻപാണ് വഴിയോരക്കച്ചവടക്കാരായ രക്ഷിതാക്കളെ ആക്രമിച്ച മുഹമ്മദ് റോഷനും സംഘവും പെൺകുട്ടിയെ തട്ടിക്കൊണ്ട് പോയത്. പെൺകുട്ടിയുമായി പ്രതി അടുപ്പത്തിലായിരുന്നെന്നും റിപ്പോർട്ടുകളുണ്ടായിരുന്നു. എന്നാൽ കുട്ടിക്ക് പ്രായ പൂർത്തിയാവാത്തതിനാൽ പോക്സോ നിയമ പ്രകാരം നടപടികൾ സ്വീകരിക്കുകയായിരുന്നു.
Also Read- ഓച്ചിറയിലെ പതിമൂന്നുകാരിയുടെ തട്ടിക്കൊണ്ടുപോകല്; സത്യമിതാണ്
This post was last modified on March 26, 2019 2:10 pm