നാഷണല്‍ ടെസ്റ്റിംഗ് ഏജന്‍സി ജെഇഇ (ജോയിന്റ് എന്‍ട്രന്‍സ് എക്‌സാമിനേഷന്‍) ഫലം പുറത്തുവിട്ടപ്പോള്‍ 15 വിദ്യാര്‍ത്ഥികള്‍ക്ക് നൂറ് ശതമാനം മാര്‍ക്ക്. അഞ്ച് ദിവസം നീണ്ട ജെഇഇ പരീക്ഷകള്‍ ജനുവരി 12നാണ് അവസാനിച്ചത്. ഇതാദ്യമായാണ് എന്‍ടിഎ ഈ പരീക്ഷ നടത്തുന്നത്. രാജ്യത്തിന്റെ വിവിധ ഭാഗങ്ങളിലും വിദേശത്തുമായി 467 എക്‌സാമിനേഷന്‍ സെന്ററുകളിലാണ് പരീക്ഷ നടന്നത്. 9,29,198 വിദ്യാര്‍ത്ഥികള്‍ (ബിഇ, ബി ടെക്) രജിസ്റ്റര്‍ ചെയ്തിരുന്നു. ഇത്തവണ യോഗ്യത നേടാന്‍ കഴിയാത്തവര്‍ക്ക് ഏപ്രിലില്‍ വീണ്ടും പരീക്ഷയെഴുതാം. ഫെബ്രുവരിയില്‍ അപേക്ഷാ ഫോമുകള്‍ ലഭ്യമാകും.