തൂത്തുക്കുടിയിൽ വീണ്ടും വെടിവെപ്പ്; ഒരാൾ കൊല്ലപ്പെട്ടു

തൂത്തുക്കുടിയിൽ വീണ്ടും പൊലീസ് വെടിവെപ്പ് നടന്നതായി റിപ്പോർട്ടുകൾ. ഉച്ചതിരിഞ്ഞ് 2.30ഓടെയാണ് വെടിവെപ്പ് നടന്നതെന്നാണ് വിവരം. അഞ്ച് പേർക്ക് പരിക്കേറ്റിട്ടുമുണ്ട്.

മൂന്ന് പൊലീസുകാർക്ക് പരിക്കേറ്റതായും വിവരമുണ്ട്. പൊലീസ് എസ്‍പിയായ മഹേന്ദ്രനും പരിക്കുണ്ട്.

അതെസമയം ഈ സംഭവത്തിലും ആരാണ് വെടിവെക്കാൻ ഉത്തരവിട്ടതെന്ന കാര്യത്തിൽ അവ്യക്തത തുടരുകയാണ്.

തൂത്തുക്കുടിയിൽ പല സ്ഥലങ്ങളിലും സംഘർഷാവസ്ഥ തുടരുകയാണ്. തൂത്തുക്കുടിയിൽ ബൈരാന്ത് നഗറിൽ അക്രമാസക്തരായ ജനക്കൂട്ടം വാഹനങ്ങൾ കത്തിച്ചു.

അക്രമം നടത്തുന്നവർക്കെതിരെ ശക്തമായ നടപടിയെടുക്കുമെന്ന് പൊലീസ് പറഞ്ഞിരുന്നു. ഇതിനു പിന്നാലെയാണ് വെടിവെപ്പുണ്ടായത്.