മന്ത്രി ഷൈലജ ടീച്ചറുടെ സമയോജിതമായ ഇടപെടല് കാരണം ജീവിതത്തിലേക്ക് തിരിച്ചു വന്ന നിരവധി പേരുണ്ട്. അത്തരത്തിലുള്ള ഒരു അനുഭവം പങ്കുവെയ്ക്കുകയാണ് മരണപ്പെട്ട ലിനി സിസ്റ്ററുടെ ഭര്ത്താവ് സജീഷ് പുത്തൂര്. നമ്മള് ചിന്തിക്കുന്നതിനു മുന്പെ കാര്യങ്ങള് മനസ്സിലാക്കാനും അത് നടപ്പിലാക്കാനുമുള്ള ടീച്ചറുടെ മനസ്സും കഴിവും അഭിനന്ദിക്കേണ്ടത് തന്നെയാണെന്നാണ് സജീഷ് തന്റെ ഫേസ്ബുക്ക് കുറിപ്പില് പറയുന്നത്.
നിപ കാലത്ത് തന്റെ മക്കള്ക്ക് പനി വന്നപ്പോള് ടീച്ചറുടെ പ്രത്യേക നിര്ദ്ദേശ പ്രകാരം അവരെ കോഴിക്കോട് മെഡിക്കല് ഐസൊലേഷന് വാര്ഡിലേക്ക് മാറ്റുകയും ഡിസ്ചാര്ജ് അവശ്യപ്പെട്ടപ്പോള് ലിനിയയുടെ മക്കള് ഞങ്ങളുടെയും മക്കളാണെന്നും അവര്ക്ക് ഇപ്പോള് എവിടുന്ന് സംരക്ഷണം കിട്ടുന്നതിനേക്കാളും കരുതല് ഞങ്ങള് ഇവിടെ ഉറപ്പാക്കിയിട്ടുണ്ടെന്ന ടീച്ചറുടെ വാക്കുകളും സജീഷ് തന്റെ കുറിപ്പില് പറയുന്നു.
പോസ്റ്റ് പൂര്ണ്ണരൂപത്തില്,
‘ഒരു പാട് ഇഷ്ടം❤️ K K Shailaja Teacher
ടീച്ചർ അമ്മ….
നമ്മൾ ചിന്തിക്കുന്നതിനു മുൻപെ കാര്യങ്ങൾ മനസ്സിലാക്കാനും അത് നടപ്പിലാക്കാനും ഉളള ടീച്ചറുടെ മനസ്സും കഴിവും അഭിന്ദിക്കേണ്ടത് തന്നെ ആണ്.
നിപ കാലത്ത് റിതുലിനും സിദ്ധാർത്ഥിനും രാത്രി ഒരു ചെറിയ പനി വന്ന് ഞങ്ങൾ ഒക്കെ വളരെ പേടിയോടെ പകച്ചു നിന്നപ്പോൾ ടീച്ചറുടെ പ്രത്യേക നിർദ്ദേശ പ്രകാരം അവരെ കോഴിക്കോട് മെഡിക്കൽ കോളേജ് ഐസോലോഷൻ വാർഡിലേക്ക് മാറ്റുകയുണ്ടായി. രവിലെ ആകുമ്പോഴേക്കും അവരുടെ പനി മാറിയിരുന്നു. പക്ഷെ അന്നത്തെ സാമൂഹ്യ മാധ്യമങ്ങളിലും പത്രങ്ങളിലും ഒക്കെ ലിനിയുടെ മക്കൾക്കും നിപ ബാധിച്ചു എന്ന പേടിപ്പെടുത്തുന്ന വാർത്ത ആയിരുന്നു. ഈ ഒരു അവസരത്തിൽ മക്കൾക്ക് പനി മാറിയതിനാൽ ആശുപത്രിയിൽ നിന്നും ഡിസ്ചാർജ് ചെയ്ത് തരണമെന്ന് അവശ്യപ്പെട്ടു. അന്ന് എന്നെ ടീച്ചർ വിളിച്ച് പറഞ്ഞ കാര്യങ്ങൾ ഒരിക്കലും മറക്കില്ല
ടീച്ചറുടെ വാക്കുകൾ ” മോനെ, മക്കളുടെ പനി ഒക്കെ മാറിയിട്ടുണ്ട്. അവർ വളരെ സന്തോഷത്തോടെ ഇവിടെ കളിക്കുകയാണ്. എന്നാലും നാലു ദിവസത്തെ ഒബ്സർവേഷൻ കഴിഞ്ഞെ വിടാൻ കഴിയു. ലിനിയുടെ മക്കൾ ഞങ്ങളുടെയും മക്കളാണ്. അവർക്ക് ഇപ്പോ എവിടുന്ന് സംരക്ഷണം കിട്ടുന്നതിനെക്കാളും കരുതൽ ഞങ്ങൾ ഇവിടെ ഉറപ്പാക്കിയിട്ടുണ്ട്”
ടീച്ചറുടെ ഈ സ്നേഹവും വാക്കും കരുതലും തന്നെയാണ് അന്ന് ഞങ്ങൾക്ക് കരുത്ത് ആയി നിന്നത്.
ഇന്നും ആ അമ്മയുടെ സ്നേഹം ഞങ്ങളോടൊപ്പം ഉണ്ട്
❤️❤️❤️’