പത്തു വര്‍ഷം മുമ്പുള്ള ചിത്രം പോസ്റ്റ് ചെയ്ത് സാമൂഹ്യമാധ്യമങ്ങളിലെ പുത്തന്‍ ചലഞ്ച് ശ്രദ്ധ നേടുകയാണ്. സെലിബ്രിറ്റികളെന്നോ സാധാരണക്കാരെന്നോ വ്യത്യാസമില്ലാതെ എല്ലാവരും തങ്ങളുടെ ഇപ്പോഴത്തെ ചിത്രവും പഴയചിത്രങ്ങളും ഒന്നിച്ച് സാമൂഹ്യമാധ്യമങ്ങളില്‍ പോസ്റ്റ് ചെയ്യുകയാണ്. മലയാള സിനിമാ താരങ്ങളും ചലഞ്ചില്‍ സജീവമാണ്. നടന്‍മാരായ ഉണ്ണി മുകുന്ദന്‍, അജു വര്‍ഗീസ് നടിമാരായ ഭാവന, ശ്രിന്ദ, അഹാന, ആര്യ, പേളി മാണി, ശാലിന്‍ സോയ, ഗായിക അമൃത സുരേഷ് തുടങ്ങിയവരാണ് തങ്ങളുടെ പത്ത് വര്‍ഷം മുമ്പത്തേയും ഇപ്പോഴത്തെയും ചിത്രങ്ങള്‍ സമൂഹമാധ്യമത്തിലൂടെ പങ്കുവച്ചത്.താരങ്ങളുടെ ചിത്രങ്ങള്‍ ആരാധകരും ഏറ്റെടുക്കുകയാണ്./10-years-challenge-stars-malayalam-bollywood-kollywood
പത്തുവര്‍ഷം മുമ്പ് എയര്‍ടെല്‍ കമ്പനിയുടെ കസ്റ്റമര്‍കെയര്‍ റെപ്രസെന്റേറ്റീവ് ആയി ജോലി ചെയ്യുകയായിരുന്നു ഉണ്ണി മുകുന്ദന്‍. ജോലി സമയത്തുള്ള ചിത്രവും തന്റെ ഇപ്പോഴുള്ള ചിത്രവും പോസ്റ്റ് ചെയ്താണ് ഉണ്ണി ചലഞ്ച് ഏറ്റെടുത്തത്. വലി യ കുറിപ്പോടെയാണ് നടിയും അവതാരകയുമായ ആര്യ തന്റെ ചിത്രം പങ്കുവച്ചത്.ഒമ്പത് വര്‍ഷത്തെ യാത്ര മറക്കാനാകാത്ത ഒന്നാണെന്നും സിനിമ സ്വപ്നം കണ്ട അന്നത്തെ ആ പെണ്‍കുട്ടിയില്‍ നിന്ന് പക്വത നിറഞ്ഞ അമ്മയിലേക്കുള്ള യാത്ര കഠിനമായിരുന്നുവെന്നും ആര്യയുടെ കുറിപ്പില്‍ പറയുന്നു.