ഷുഹൈബ് വധക്കേസില് കൂടുതല് പേരെ പൊലീസ് കസ്റ്റഡിയിലെടുത്തു. ഇന്ന് രാവിലെ രണ്ടുപേര് കൂടി കസ്റ്റഡിയിലായി. കസ്റ്റഡിയിലായവരുടെ വിവരങ്ങള് പൊലീസ് പുറത്തുവിട്ടിട്ടില്ല. ഇന്നലെ ആറ് പേരെ കസ്റ്റഡിയിലെടുത്തിരുന്നു. അതേസമയം പ്രതികളെ ഇന്ന് അറസ്റ്റ് ചെയ്യാനാകുമെന്ന പ്രതീക്ഷയിലാണ് പൊലീസ്.
ഇന്നലെ കസ്റ്റഡിയിലെടുത്ത ആറ് പേരെ ചോദ്യം ചെയ്തതില് നിന്നും നിര്ണായക വിവരങ്ങള് കിട്ടിയെന്നാണ് സൂചന. തില്ലങ്കേരിയില് ബി.ജെ.പി പ്രവര്ത്തകനെ വധിച്ച കേസിലെ പ്രതിയും കസ്റ്റഡിയിലുണ്ട്. കൂടുതല് പേരെ ഇന്ന് കസ്റ്റഡിയിലെടുത്ത് ചോദ്യം ചെയ്യും. അറസ്റ്റിനൊപ്പം കൊലയ്ക്ക് ഉപയോഗിച്ച ആയുധങ്ങളും വാഹനങ്ങളും കണ്ടെടുക്കുന്നതിനുള്ള റെയ്ഡുകളും തുടരും. കൊലപാതകം നടന്ന് ആറ് ദിവസം കഴിഞ്ഞിട്ടും പ്രതികളെ പിടികൂടാന് കഴിയാത്തത് കടുത്ത വിമര്ശത്തിന് ഇടയാക്കിയിരുന്നു. അതിനിടെയാണ് കൊലപാതകികളെപ്പറ്റി കൃത്യമായ വിവരം ലഭിച്ചെന്ന സൂചനകള് വരുന്നത്.
കണ്ണൂരില് തെരുവിലെ തട്ടുകടയില് ഭക്ഷണം കഴിച്ചുകൊണ്ടിരിക്കെയാണ് ഷുഹൈബിനെ അക്രമിസംഘം വെട്ടിക്കൊലപ്പെടുത്തിയത്. ബോംബെറിഞ്ഞ് ഭീതി പരത്തി കോഴിക്കോട് മെഡിക്കല് കോളേജിലെത്തിക്കുന്നതിന് മുന്പ് രക്തം വാര്ന്നായിരുന്നു മരണം.
This post was last modified on February 18, 2018 9:59 am