അഗസ്റ്റ അഴിമതി അന്വേഷണം: മോദിക്കു കീഴില്‍ ഒരിഞ്ചു പോലും മുന്നോട്ടു പോയില്ലെന്ന് കെജ്രിവാള്‍

അഴിമുഖം പ്രതിനിധി

അഗസ്റ്റ വെസ്റ്റ് ലാന്‍ഡ് അഴിമതി അന്വേഷണം പ്രധാനമന്ത്രി നരേന്ദ്രമോദി സര്‍ക്കാരിന് കീഴില്‍ ഒരിഞ്ചുപോലും മുന്നോട്ടു പോയിട്ടില്ലെന്ന് ഡല്‍ഹി മുഖ്യമന്ത്രി അരവിന്ദ് കെജ്രിവാള്‍ പറഞ്ഞു. അഴിമതിക്കാരെ ശിക്ഷിക്കുമെന്ന് മോദി 2014-ലെ തെരഞ്ഞെടുപ്പിന് മുമ്പ് വാഗ്ദാനം ചെയ്തിരുന്നതാണ്. എന്നാല്‍ രണ്ടു വര്‍ഷത്തിനിടെ ആരും ജയിലിലായില്ല. അന്വേഷണം ഒരിഞ്ചുപോലും മുന്നോട്ടു പോയതുമില്ലെന്ന് കെജ്രിവാള്‍ ചൂണ്ടിക്കാണിച്ചു.

ഈ അഴിമതി കേസില്‍ കോണ്‍ഗ്രസ് അധ്യക്ഷ സോണിയ ഗാന്ധിയെ ഇതുവരേയും ചോദ്യം ചെയ്യാത്തത് എന്തുകൊണ്ടാണ്, കെജ്രിവാള്‍ ചോദിച്ചു. അതേ കുറിച്ച് ചോദിക്കാനുള്ള ധൈര്യം പോലും മോദിക്കില്ല. മോദിയെ പ്രധാനമന്ത്രിയാക്കിയത് അഴിമതിക്കാരെ ശിക്ഷിക്കാനാണ് അല്ലാതെ സംരക്ഷിക്കാനല്ലെന്നും അദ്ദേഹം പറഞ്ഞു.