സിനിമയില് സ്ത്രീ വിരുദ്ധമായും സഭ്യമല്ലാതെയും സംസാരിക്കുകയും പ്രവര്ത്തിക്കുകയും ചെയ്യുന്ന കഥാപാത്രങ്ങള് പാടില്ലെന്ന് താന് പറഞ്ഞിട്ടില്ലെന്ന് നടി പാര്വതി. കസബ സിനിമയിൽ മമ്മൂട്ടിക്ക് എതിരെ സ്ത്രീ വിരുദ്ധത ആരോപിച്ചതിന്റെ പേരിൽ ഒരുപാട് വിമർശനങ്ങൾ ഏറ്റു വാങ്ങിയ താരമാണ് പാർവതി എന്നാൽ 2018 ല് ഏറ്റവും തെറ്റിദ്ധരിക്കപ്പെട്ട ഒരു അഭിപ്രായ പ്രകടനമാണ് അതെന്നും പാര്വതി മനോരമ പത്രത്തിന് നല്കിയ പുതുവര്ഷച്ചോദ്യം പക്തിയില് പറഞ്ഞു.
അവസരം ലഭിച്ചാല് സിനിമാ സംഭാഷണങ്ങളില് നിന്ന് ആദ്യം വെട്ടാന് ആഗ്രഹിക്കുന്ന വാക്ക് ഏതാണെന്നും എന്തുകൊണ്ടാണെന്നുമായിരുന്നു ചോദ്യം.
”2018 ല് ഏറ്റവും തെറ്റിദ്ധരിക്കപ്പെട്ട ഒരു അഭിപ്രായത്തില് നിന്നാണ് ഈ ചോദ്യം വരുന്നതെന്നും സിനിമയില് സ്ത്രീവിരുദ്ധമായും സഭ്യമല്ലാതെയും സംസാരിക്കുകയും പ്രവര്ത്തിക്കുകയും ചെയ്യുന്ന കഥാപാത്രങ്ങള് പാടില്ലെന്ന് താന് പറഞ്ഞിട്ടില്ലെന്നു”മായിരുന്നു പാര്വതി നല്കിയ മറുപടി.
സമൂഹത്തെ പ്രതിഫലിപ്പിക്കുന്ന കഥകളാകുമ്പോള് അത്തരം കഥാപാത്രങ്ങള് വേണ്ടി വരും. പക്ഷേ അത്തരം കഥാപാത്രങ്ങളേയും സംഭാഷണങ്ങളേയും മഹത്വവത്ക്കരിച്ചും മാതൃകയാക്കിയും കാണിക്കുന്നത് ശരിയല്ല എന്നാണ് പറഞ്ഞത്.
സംഭാഷണത്തില് ഇടപെടാന് അവസരം ലഭിച്ചാലും ഒരു വാക്കും ഒഴിവാക്കും എന്നു പറയാനാവില്ല. കഥാപാത്രങ്ങള് ഉപയോഗിക്കുന്ന മോശം വാക്കുകളും പ്രയോഗങ്ങളും സിനിമയുടെ വ്യാകരണത്തിലൂടെ എങ്ങനെ പ്രേക്ഷകര്ക്ക് മുന്നില് ചിത്രീകരിക്കപ്പെടുന്നു എന്നതാണ് പ്രധാനമെന്നും പാര്വതി പറഞ്ഞു.
സ്ത്രീ വിരുദ്ധമായ രംഗങ്ങള് നായകന് ചെയ്യുമ്പോള് അത് ഗ്ലോറിഫൈ ആവുകയും അതിലൂടെ സമൂഹത്തിന് ഒരു മോശം സന്ദേശം കിട്ടുകയും ചെയ്യുന്നു എന്നായിരുന്നു പാര്വതി അഭിപ്രായപ്പെട്ടത്.ഇതേ തുടർന്ന് നവമാധ്യമങ്ങളിൽ വലിയ രീതിയിലുള്ള വിമർശനങ്ങളും ട്രോളുകളും താരം ഏറ്റു വാങ്ങിയിരുന്നു.
This post was last modified on January 2, 2019 8:44 am
Leave a Comment