ശബരിമല വിഷയത്തില്‍ സുപ്രീംകോടതിയില്‍ സമര്‍പ്പിക്കപ്പെട്ട കോടതിയലക്ഷ്യക്കേസുകളില്‍ നിന്നും അറ്റോര്‍ണി ജനറല്‍ പിന്‍മാറി. സംസ്ഥാന ബിജെപി അധ്യക്ഷന്‍ പിഎസ് ശ്രീധരന്‍ പിള്ള ഉള്‍പ്പെടെയുള്ളക്കെതിരെയുള്ള കേസുകളില്‍ നിന്നാണ് എ ജി കെകെ വേണുഗോപാലിന്റെ പിന്‍മാറ്റം. ശബരിമല കേസുകളില്‍ നേരത്തെ ദേവസ്വം ബോര്‍ഡിന് വേണ്ടി ഹാജറായിരുന്ന കെകെ വേണുഗോപാല്‍ ഇക്കാര്യം ചൂണ്ടിക്കാട്ടിയാണ് പിന്‍മാറ്റത്തിന് തയ്യാറായതെന്നാണ് റിപ്പോര്‍ട്ട്. പിന്‍മാറ്റം സംബന്ധിച്ച് വിഷത്തില്‍ തീരുമാനം എടുക്കാന്‍ സോളിസിറ്റര്‍ ജനറലിനെ ചുമതലപ്പെടുത്തി.
പിഎസ് ശ്രീധരന്‍ പിള്ളയ്ക്ക് പുറമെ പത്തനം തിട്ടയിലെ ബിജെപി നേതാവ് മുരളീധരന്‍ ഉണ്ണിത്താന്‍, പന്തളം രാജകുടുംബാംഗം രാജരാജ വര്‍മ, ശബരിമല തന്ത്രി കണ്ഠരര് രാജീവര്, ചലച്ചിത്ര താരം കൊല്ലം തുളസി എന്നിവര്‍ക്കെതിരെയാണ് സുപ്രീം കോടതിക്കു മുന്നിലെത്തിയ കോടതിയലക്ഷ്യ ഹര്‍ജി.
This post was last modified on November 3, 2018 11:57 am