ബിജെപി കേന്ദ്രനേതൃത്വം തീരുമാനിച്ചാല്‍ താന്‍ കേരളത്തില്‍ തിരിച്ചുയെത്തി പ്രവര്‍ത്തനം നടത്താന്‍ തയ്യാറാണെന്ന് മാസോറാം ഗവര്‍ണര്‍ കുമ്മനം രാജശേഖരന്‍. കേരളത്തിലെ സംഘടന ആഗ്രഹിക്കുന്നുണ്ടെങ്കില്‍ കേന്ദ്രം അനുവദിച്ചാല്‍, കുമ്മനം പദവിയൊഴിഞ്ഞ് കുമ്മനം തിരുവനന്തപുരത്ത് മത്സരിച്ചേക്കുമെന്നാണ് മനോരമ ന്യൂസ്‌ റിപ്പോര്‍ട്ട് ചെയ്യുന്നത്.
കുമ്മനം പറയുന്നത്,‘അങ്ങനെ രാജിവെച്ചൊഴിഞ്ഞ് പോരാനാകുന്ന പദവിയല്ലല്ലോ? ബിജെപി തീരുമാനിക്കണം, കേന്ദ്രമന്ത്രിസഭ രാഷ്ട്രപതിയോട് ശുപാര്‍ശ ചെയ്യണം. പകരക്കാരനെ കണ്ടെത്തണം. അതൊന്നും അത്ര എളുപ്പമല്ല. ആഗ്രഹിച്ചിട്ടല്ല ഗവര്‍ണറായത്. സംഘടന ഏല്‍പ്പിച്ച ചുമതല നിര്‍വഹിക്കുന്നു.
സംഘടന വിധേയനാണ് ഞാന്‍, സ്വയംസമര്‍പ്പിച്ചവന്‍, എന്റെ വ്യക്തിപരമായ ഇഷ്ടങ്ങള്‍ക്ക് പ്രസക്തിയില്ല. തിരിച്ചുവരാനും പഴയ പോലെ സംഘടനാപ്രവര്‍ത്തനം നടത്താനും തയ്യാറാണ്. പക്ഷെ സംഘടന തീരുമാനിക്കണം. മുമ്പ് എവിടെയും പോകാമായിരുന്നു, ആരെയും കാണാമായിരുന്നു.ഇപ്പം പക്ഷെ സെക്യൂരിറ്റിയും മറ്റും പ്രശ്‌നമാണ്.’ എന്നാണ്.
This post was last modified on February 13, 2019 7:24 am