ആന്തൂരില് വ്യവസായി സാജന് പാറയില് ആത്മഹത്യ ചെയ്ത കേസില് വഴിത്തിരിവെന്ന് റിപ്പോര്ട്ട്. കണ്വെന്ഷന് സെന്ററിന് അനുമതി ലഭിക്കാത്തതല്ല സാജന് ജീവനൊടുക്കാന് കാരണമെന്ന് പോലീസിന്റെ അന്വേഷണ പുരോഗതികള് ചൂണ്ടിക്കാട്ടി ദേശാഭിമാനി റിപ്പോര്ട്ട് ചെയ്യുന്നു.
സാജന്റെ പേരിലുള്ള സിം കാര്ഡുകളില് ഒരെണ്ണം അദ്ദേഹമല്ല ഉപയോഗിച്ചിരുന്നതെന്നും. ഈ നമ്പറിലേക്കുവന്ന കോളുകളെ കേന്ദ്രീകരിച്ച് നടത്തിയ അന്വേഷണമാണ് വഴിത്തിരിവായിരിക്കുന്നതെന്നും റിപ്പോര്ട്ടില് പറയുന്നു. ഈ ഫോണ് കോളുകളും അതേ തുടര്ന്നുള്ള പ്രശ്നങ്ങളുമാണ് സാജനെ ആത്മഹത്യയിലേക്ക് നയിച്ചതെന്ന നിഗമനത്തിലാണ് പോലീസെന്നാണ് റിപ്പോർട്ടിൽ പറയുന്നത്.
അഞ്ചര മാസത്തിനിടെ 2400ഓളം തവണ വിളിച്ച മണ്സൂറിനെ അന്വേഷണ സംഘം ചോദ്യം ചെയ്തു. ജനുവരി മുതല് സാജന് ആത്മഹത്യ ചെയ്ത ജൂണ് 18വരെയുള്ള കാലയളവിലാണ് മണ്സൂറില് നിന്ന് തുടര്ച്ചയായി കോളുകള് ഉണ്ടാവുന്നത്. 25 കോളുകള് വരെ വന്ന ദിവസങ്ങളുണ്ട്. കൂടുതലും മണിക്കൂറുകള് നീളുന്നവ. സാജന് മരിച്ച ദിവസം 12 തവണ വിളിച്ചു. രാത്രി 11.10ന് വീഡിയോ കോള് വന്നു. ഇതിനുശേഷമാണ് സാജന് ആത്മഹത്യ ചെയ്യുന്നതെന്നും ദേശാഭിമാനി റിപ്പോർട്ട് ചെയ്തു.
സാജന്റെ ആത്മഹത്യ വലിയ വിവാദമാണ് സൃഷ്ടിച്ചത്. കണ്വെന്ഷന് സെന്ററിന് അനുമതി വൈകിപ്പിച്ചതില് സിപിഎമ്മിലും അഭിപ്രായ ഭിന്നത ഉടലെടുത്തിരുന്നു. പ്രാദേശിക നേതൃത്വം മുന്സിപ്പല് ചെയര്പേഴ്സണ് പി കെ ശ്യാമളയെ വിമര്ശിച്ചപ്പോള് സംസ്ഥാന നേതൃത്വം ഉദ്യോഗസ്ഥ പിഴവാണ് അനുമതി വൈകിപ്പിച്ചതിന് കാരണമെന്ന നിലപാടാണ് സ്വീകരിച്ചത്.
നെടുങ്കണ്ടം കസ്റ്റഡി മരണം: രാജ് കുമാറിന്റെ മൃതദേഹം വീണ്ടും പോസ്റ്റ്മോര്ട്ടം ചെയ്യണമെന്ന് ജുഡീഷ്യല് കമ്മീഷന്
Leave a Comment