മദ്യപിച്ച് അമിതവേഗതയിൽ വണ്ടിയോടിച്ച് ഒരാളെ കൊലപ്പെടുത്തിയ സംഭവത്തിൽ കേസിൽ പ്രതിയായി അറസ്റ്റ് ചെയ്യപ്പെട്ട ശ്രീരാം വെങ്കിട്ടരാമന് വാഹനാപകടങ്ങളെക്കുറിച്ചുള്ള കാഴ്ചപ്പാടെന്താണ്? ഇതിൽ സംശയമുള്ളവർക്ക് നടി ആനി അവതരിപ്പിക്കുന്ന പാചകപരിപാടിയിൽ പങ്കെടുത്ത് ശ്രീരാം പറഞ്ഞ കാര്യങ്ങൾ കേൾക്കാം.
റോഡിലെ അമിതവേഗത ഒഴിവാക്കാനാകാത്തതാണെന്ന സൂചനയോടെയാണ് ശ്രീരാം സംസാരിക്കുന്നത്. അത് ഒഴിവാക്കാനാകില്ല. ശ്രീരാമിന്റെ പോയിന്റ്, അപകടത്തിൽ പെട്ടയാളെ എന്തുകൊണ്ട് രക്ഷിച്ചുകൂടാ എന്നാണ്. അതായത് അമിതവേഗതയിലെത്തി ഇടിച്ചിട്ടാലുടനെ ആളെ ആശുപത്രിയിൽ കൊണ്ടുപോകണം. അപകടത്തിൽ പെട്ടയാൾ രക്ഷപ്പെടുകയാണെങ്കിൽ ‘നമ്മുടെ ക്രൈമിന്റെ ഇന്റൻസിറ്റി കുറയുമല്ലോ’ എന്നും ശ്രീരാം ചൂണ്ടിക്കാട്ടുന്നുണ്ട്.
‘ധൈര്യമായി ആളുകളെ രക്ഷിച്ചോളൂ’ എന്നും ശ്രീരാം ആനിയുമായുള്ള അഭിമുഖത്തിൽ ഒരിടത്ത് നിർദ്ദേശിക്കുന്നുണ്ട്. വീഡിയോ ഇവിടെ കാണാം.