മികച്ച പ്രേക്ഷക പ്രതികരണങ്ങൾ നേടിയ ഗപ്പിക്ക് ശേഷം ജോണ്‍ പോള്‍ ജോര്‍ജ് സംവിധാനം ചെയ്യുന്ന അമ്പിളി എന്ന ചിത്രത്തിന്റെ ഫസ്റ്റ് ലുക് പോസ്റ്റർ ശ്രദ്ധ നേടുന്നു. കുമ്പളങ്ങി നൈറ്റ്സിലെ സജി എന്ന കഥാപാത്രത്തിന് ശേഷം സൗബിന്‍ ഷഹിറിന്റെ അമ്പരപ്പിക്കുന്ന മേക്ക്ഓവറാണ് പോസ്റ്ററിന്റെ ഹൈലൈറ്റ്. നടന്‍ ഫഹദ് ഫാസിലാണ് അമ്പിളിയുടെ ആദ്യ ലുക്ക് ഫേസ്ബുക്ക് വഴി പുറത്ത് വിട്ടത്.
കൈയില്‍ പൂക്കളുമായി മനസു തുറന്ന് പുഞ്ചിരിച്ചു കൊണ്ടാണ് പോസ്റ്ററില്‍ സൗബിന്റെ നില്‍പ്. സൗബിനൊപ്പം നസ്രിയയുടെ സഹോദരന്‍ നവീന്‍ നസീമും ചിത്രത്തിലെത്തുന്നുണ്ട്. മുകേഷ് ആര്‍ മെഹ്ത, എ വി അനൂപ്, സി വി സാരഥി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ഛായാഗ്രഹണം ശരണ്‍ വേലായുധന്‍. പ്രേക്ഷകർ ഏറ്റെടുത്ത ഗപ്പിയിലെ ഗാനങ്ങൾ ഒരുക്കിയ വിഷ്ണു വിജയ്‌യും വിനായക് ശശികുമാറും ചേര്‍ന്നാണ് ഗാനങ്ങള്‍ ഒരുക്കുന്നത്.
പുതുമുഖം തന്‍വി റാം ആണ് നായിക. നിരവധി സൂപ്പർഹിറ്റ് ചിത്രങ്ങൾ മലയാള സിനിമക്ക് സമ്മാനിച്ച ഇ ഫോര്‍ എൻറർടൈൻമെൻറ്സ് ബാനറില്‍ മുകേഷ് ആര്‍.മേത്ത, എ.വി. അനൂപ്, സി.വി.സാരഥി എന്നിവര്‍ ചേര്‍ന്നാണ് ചിത്രം നിർമിക്കുന്നത്. ഷൂട്ടിംഗ് പുരോഗമിക്കുന്ന അമ്പിളി ഈ വര്‍ഷം ജൂലൈയില്‍ തിയേറ്ററുകളിലെത്തും