ജമ്മു കശ്മീരിലെ പുല്വാമയില് തീവ്രവാദി ആക്രമണത്തെ കുറിച്ച് കേട്ടത് ഞെട്ടലോടെയാണ്. വീരമൃത്യു വരിച്ച ജവാന്മാര്ക്ക് ആദരാഞ്ജലി അര്പ്പിക്കുന്നുവെന്നും ഇന്ത്യന് ക്രിക്കറ്റ് ക്യാപ്റ്റന് വിരാട് കോഹ്ലി ട്വീറ്ററില് പറഞ്ഞു. തീവ്രവാദി ആക്രമണത്തില് അനുശോചനം അറിയിച്ച് ഇന്ത്യന് ക്രിക്കറ്റിലെ കൂടുതല് താരങ്ങള് രംഗത്തു വന്നു. ചാവേര് ആക്രമണത്തില് 44 ജവാന്മാരാണ് വീരമൃത്യു വരിച്ചത്.
‘ഈ വേദനയെ കുറിച്ച് പറയാന് വാക്കുകളില്ലെന്നും പരിക്കേറ്റ ജവാന്മാര് എത്രയും പെട്ടെന്ന് സുഖം പ്രാപിക്കട്ടെയെന്നും’ വീരേന്ദര് സെവാഗ് ട്വീറ്റ് ചെയ്തു. ഭീകരാക്രമണം കൂടുതല് വേദനയുണ്ടാക്കുന്നതാണ്. ‘സ്നേഹം ആഘോഷിക്കുന്ന ദിനത്തില് തന്നെ ചില ഭീരുക്കള് വെറുപ്പിന്റെ വിത്തുകള് വിതച്ചിരിക്കുന്നു. സൈനികരേയും അവരുടെ കുടുംബത്തേയും എപ്പോഴും പ്രാര്ത്ഥനകളില് ഓര്ക്കും.’ ഇതായിരുന്നു രോഹിത് ശര്മ്മയുടെ ട്വീറ്റ്.