ലോകകപ്പ് ക്രിക്കറ്റില് ഓസ്ട്രേലിയയ്ക്കെതിരായ മത്സരത്തില് സച്ചിന് തെണ്ടുല്ക്കറുണ്ട് റെക്കോര്ഡ് തകര്ത്ത് ഇന്ത്യന് ഓപ്പണര് രോഹിത് ശര്മ്മ. ഏകദിനത്തില് ഒരു ടീമിനെതിരെ അതിവേഗത്തില് 2000 റണ്സിന്റെ റെക്കോര്ഡാണ് രോഹിത് ശര്മ്മ സച്ചിനെ മറികടന്നത്.
37 മത്സരങ്ങളില് നിന്നാണ് രോഹിത് രണ്ടായിരം കടന്നത്. സച്ചിന് ഈ റെക്കോര്ഡ് നേടിയത് 37 മത്സരങ്ങളില് നിന്നായിരുന്നു. ഓസ്ട്രേലിയ തന്നെയായിരുന്നു എതിരാളികള്. ഓസ്ട്രേലിയക്കെതിരെ വിവിയന് റിച്ചാര്ഡ്സ് 44 മത്സരങ്ങളില് നിന്നും നേടിയ രണ്ടായിരം റണ്സും റെക്കോര്ഡായിരുന്നു. ശ്രീലങ്കയ്ക്കെതിരെ വിരാട് കോഹ്ലി 44 മത്സരങ്ങളില് നിന്നും എംഎസ് ധോനി 45 മത്സരങ്ങളില് നിന്നും ഈ നേട്ടം കൊയ്തിട്ടുണ്ട്.
70 പന്തുകളില് നിന്നും 57 റണ്സെടുത്ത രോഹിത് ശര്മ്മ കോള്ട്ടര് നൈലിന്റെ പന്തില് വിക്കറ്റ് കീപ്പര് അലക്സ് ക്യാരിയ്ക്ക് ക്യാച്ച് നല്കി മടങ്ങി. എങ്കിലും ആദ്യ വിക്കറ്റിലും 127 റണ്സിന്റെ കൂട്ടുകെട്ടുണ്ടാക്കിയാണ് ഓപ്പണര്മാര് പിരിഞ്ഞത്.
read more:പഠിച്ച സ്കൂളില് നിന്നും കോഹ്ലിയ്ക്ക് സമ്മാനം ഗ്രൗണ്ടിലെ മണ്ണ്
This post was last modified on June 10, 2019 7:03 am