ശബരിമല റിവ്യൂ ഹര്ജികളില് നവംബര് പതിമൂന്നിന് മാത്രമെ വാദം കേള്ക്കുകാനാവു എന്ന് വീണ്ടും സുപ്രീംകോടതി. നവംബര് അഞ്ചിന് ചിത്തിര ആട്ടത്തിനു വേണ്ടി നട തുറക്കുന്ന സാഹചര്യത്തില് കോടതിക്ക് മുമ്പാകെയുള്ള ഹര്ജികളില് അടിയന്തിരമായി വാദം കേള്ക്കണമെന്ന ആവശ്യമാണ് കോടതി തള്ളിയത്.
നവംബര് അഞ്ചിന് മുന്പ് വാദം കേള്ക്കാനാകില്ല. അഞ്ചിന് 24 മണിക്കൂര് സമയത്തേക്ക് മാത്രമല്ലേ നട തുറക്കുന്നു എന്നും അഖില ഭാരതീയ മലയാളി സംഘിന്റെ ആവശ്യത്തോട് ചീഫ് ജസ്റ്റിസ് രഞ്ജന് ഗൊഗൊയ് മറുപടി പറഞ്ഞു.
അതിനിടെ ഹര്ജികളില് വിധി അനുകുലമാവുമെന്ന് പ്രതീക്ഷിക്കുന്നതായി എന് എസ് എസ് ജനറല് സെക്രട്ടറി ജി.സുകുമാരന് നായര് പറഞ്ഞു. സുപ്രീം കോടതി വിധി അനുകൂലമായില്ലെങ്കില് തുടര് പ്രതിഷേധ പരിപാടികള് ആലോചിക്കുമെന്നും സുകുമാരന് നായര് പെരുന്നയില് പറഞ്ഞു.
This post was last modified on October 31, 2018 3:51 pm
Leave a Comment