ചേർത്തല കെ വി എം സമരം സർക്കാർ ഇടപെട്ട് അടിയന്തിരമായി ഒത്തുതീർപ്പാക്കണം എന്ന് ആവശ്യപ്പെട്ടു യുണൈറ്റഡ് നഴ്സസ് അസോസിയേഷന്റെ(യു എൻ എ)നേതൃത്വത്തില് സംസ്ഥാനത്തെ 12 ജില്ല കേന്ദ്രങ്ങളിലേക്കും മാര്ച്ച് നടത്തി. തിരുവനന്തപുരം ജില്ലാ കമ്മിറ്റി സെക്രട്ടറിയേറ്റിലേക്ക് നടത്തിയ മാർച്ച് യു എൻ എ സംസ്ഥാന ഉപാധ്യക്ഷൻ സിബി മുകേഷ് ഉദ്ഘാടനം ചെയ്തു. കെ വി എം സമരം അടിയന്തിരമായി ഒത്തുതീർപ്പാക്കാത്ത പക്ഷം സംസ്ഥാന വ്യാപകമായി യു എൻ എ പണിമുടക്ക് ആരംഭിക്കുമെന്ന് സിബി മുകേഷ് പറഞ്ഞു.
കഴിഞ്ഞ 161 ദിവസം ആയി കെ വി എം ആശുപത്രിയിലെ നഴ്സുമാർ 2013ലെ മിനിമം വേതനം നടപ്പിലാക്കണം, 12 മുതൽ 16 മണിക്കൂർ ദിവസേനെ ഉള്ള ജോലി സമയം നിയമപ്രകാരം ക്രമീകരിക്കണം, ഇ എസ് ഐ പി എഫ് തുടങ്ങിയ ആനുകൂല്യങ്ങൾ നടപ്പിലാക്കണം, നിയമപരമല്ലാത്ത രീതിയിലെ ട്രെയിനിങ് അവസാനിപ്പിക്കണം എന്നീ ആവശ്യങ്ങള് ഉന്നയിച്ചുകൊണ്ട് സമരത്തിലാണ്.
Leave a Comment