ജനപ്രിയ നാടന്റെ പാട്ട് സമൂഹമാധ്യമങ്ങളില് കത്തി പടരുകയാണ്. ജയസൂര്യ പാടുന്ന ‘കപ്പലണ്ടി’ എന്ന പാട്ടാണ് ഒരേ സ്വരത്തില് എല്ലാവരും പാടുന്നത്. ഗിന്നസ് പക്രു നായകനായി എത്തുന്ന ഇളയരാജ എന്ന ചിത്രത്തിനു വേണ്ടിയാണ് ജയസൂര്യ ഗാനം ആലപിക്കുന്നത്.
മേല്വിലാസം , അപ്പോത്തിക്കിരി തുടങ്ങിയ ചിത്രങ്ങളുടെ സംവിധായകനായ മാധവ് രാമദാസന് ആണ് ഇളയരാജ ഒരുക്കുന്നത്. സംഗീത സംവിധായകന് രതീഷ് വേഗയുടെ ഈണങ്ങള്ക്ക് ആണ് ജയസൂര്യ പാടുന്നത്. പാട്ട് പാടുന്ന വീഡിയോ പങ്കുവെച്ചതിന് നിമിഷങ്ങള്ക്കകം കപ്പലണ്ടി പാട്ട് ആരാധകര് ഏറ്റെടുത്തു.
2005-ല് പുറത്തിറങ്ങിയ ഇമ്മിണി നല്ലൊരാള് എന്ന സിനിമയിലാണ് ജയസൂര്യ ആദ്യമായി സിനിമയില് പാടുന്നത്. ത്രീ കിങ്സ് ,പുണ്യാളന് അഗര്ബത്തീസ്, ആട്, അമര് അക്ബര് അന്തോണി തുടങ്ങി പത്തോളം സിനിമകളില് ജയസൂര്യ പാടിയിട്ടുണ്ട്. ജയസൂര്യ പാടുന്ന വീഡിയോ ആണ് പുറത്തിറങ്ങിയിരിക്കുന്നത്.