അഴിമുഖം പ്രതിനിധി
എണ്പത്തിയേഴാമത് ഓസ്കര് പുരസ്കാര പ്രഖ്യാപനം ഹോളിവുഡിലെ ഡോള്ബി തിയേറ്ററില് ആരംഭിച്ചു. വിപ് ലാഷിലെ അഭിനയത്തിലൂടെ ജെ. കെ സിമ്മണ്സ് മികച്ച സഹനടനുള്ള അക്കാഡമി അവാര്ഡ് നേടി. ബോയ്ഹുഡ് എന്ന ചിത്രത്തിലൂടെ പാട്രീഷ്യ ആര്ക്കെറ്റ് മികച്ച സഹനടിയായും തെരഞ്ഞെടുക്കപ്പെട്ടു. പാടീഷ്യയുടെ ഈ അവാര്ഡിന് ഒരു പ്രത്യേകതയുള്ളത്, പതിനൊന്നു വര്ഷംകൊണ്ട് ചിത്രീകരിച്ച ഈ ചിത്രത്തില് പതിനൊന്നുവര്ഷവും പാട്രീഷ്യ അഭിനയിക്കുകയായിരുന്നു. ലോകത്ത് ആദ്യമായിട്ടായിരിക്കും ഒരു നടി ഇത്രയും നീണ്ടകാലം ഒരു ചിത്രത്തിനായി മാത്രം അഭിനയിക്കുന്നത്.
ഇതുവരെ പ്രഖ്യാപിച്ച മറ്റ് അവാര്ഡുകള് ഇപ്രകാരമാണ്- ശബ്ദമിശ്രണം- വിപ് ലാഷ്, ശബ്ദസംയോജനം- അമേരിക്കന് സ്നൈപ്പര്, മികച്ച വിദേശ ഭാഷ ചിത്രം- ഇഡ(പോളണ്ട്), വസ്ത്രാലങ്കാരം- മിലേന കനോനെറോ( ദി ഗ്രാന്ഡ് ബുഡാപെസ്റ്റ് ഹോട്ടല്), മേക് അപ്പ്- മാര്ക് കൂലിയര്, ഫ്രാന്സിസ് ഹനോണ്( ദി ഗ്രാന്ഡ് ബുഡാപെസ്റ്റ് ഹോട്ടല്), ലൈവ് ആക്ഷന് ഷോര്ട്ട് ഫിലിം-ദി ഫോണ്കോള്, ഡോക്യുമെന്ററി-ക്രൈസിസ് ഹോട്ട് ലൈന് വെറ്ററന്സ് പ്രസ്-1,ആനിമേഷന് ഫിലിം- ബിഗ് ഹിറോ 6, ആനിമേറ്റഡ് ഷോര്ട് ഫിലിം-ഫീസ്റ്റ്(പാട്രിക് ഒസ്ബോണ്, ക്രിസ്റ്റീന റീഡ്), വിഷ്വല് എഫക്ട്- ഇന്റര്സ്റ്റെല്ലര്( പോള് ഫ്രാങ്കഌന്, ആന്ഡ്രൂ ലോക്ലി, ഇയാന് ഹന്റര്, സ്കോട്ട് ഫിഷര്). കലാ സംവിധാനം- ആഡം സ്റ്റോക്ഹൗസന്( ദി ഗ്രാന്ഡ് ബുഡാപെസ്റ്റ് ഹോട്ടല്), ഛായാഗ്രഹണം- ഇമ്മാനുവല് ലുബെസ്കി( ബേര്ഡ്മാന്).