അഴിമുഖം പ്രതിനിധി
പിഡിപി നേതാവ് അബ്ദുള് നാസര് മദനി പ്രതിയായ ബംഗളുരു സ്ഫോടന കേസില് കര്ണാടക സര്ക്കാരിന് സുപ്രീംകോടതിയുടെ രൂക്ഷ വിമര്ശനം. കേസില് വിചാരണ വൈകുന്നതിനെയാണ് കോടതി വിമര്ശിച്ചത്. ഇത്തരം കേസുകളുടെ വിചാരണ വൈകിക്കരുതെന്ന് കോടതി അഭിപ്രായപ്പെട്ടു. കേസ് വിചാരണ ചെയ്യാന് പ്രത്യേക കോടതി രൂപീകരിക്കുന്നതിനെ കുറിച്ച് നിലപാട് അറിയിക്കാന് കോടതി സര്ക്കാരിന് രണ്ടാഴ്ച സമയം അനുവദിച്ചു.