അഴിമുഖം പ്രതിനിധി
കശ്മീരിലെ കുപ്വാര ജില്ലയിലെ സൈനിക ക്യാമ്പിനു നേരെ ഭീകരാക്രമണം. തുടര്ന്ന് സൈന്യം നടത്തിയ പ്രത്യാക്രമണത്തില് രണ്ടു ഭീകരര് കൊല്ലപ്പെട്ടു. അതേ സമയം നിയന്ത്രണ രേഖയില് മൂന്നു നുഴഞ്ഞുകയറ്റ ശ്രമങ്ങള് തടഞ്ഞതായി സൈന്യം അറിയിച്ചു.
പുലര്ച്ചെ 5 മണിക്ക് രാഷ്ട്രീയ റൈഫിള്സിന്റെ ക്യാംപിനു നേരെയാണ് വെടിവെപ്പ് നടന്നത്. ഇരുപത് മിനിറ്റോളം വെടിവെപ്പു നീണ്ടു നിന്നു. കൊല്ലപ്പെട്ട ഭീകരര് സൈനികരുടെ വേഷം ധരിച്ചാണ് എത്തിയത്. കൂടുതല് ഭീകരര് നുഴഞ്ഞു കയറിയിട്ടുണ്ട് എന്ന സംശയത്തില് തിരച്ചില് തുടരുകയാണ്.
