രാജ്യസ്നേഹം ഒരു പ്രത്യേക മതവിഭാഗത്തിന്റെയോ രാഷ്ട്രീയ പാര്ട്ടിയുടെയോ മാത്രം കുത്തക അല്ലല്ലോ!
സംവിധായകന് കമലിനെതിരേ നടക്കുന്ന ബിജെപി-സംഘപരിവാര് ഭീഷണികള്ക്കെതിരേയുള്ള തന്റെ ഒറ്റയാള് പ്രതിഷേധം നടത്തിയ നടന് അലന്സിയര്ക്ക് പിന്തുണയുമായി യുവതതാരം ടോവിനോ തോമസ്. കാസര്ഗോഡ് ഏകാംഗനാടകത്തിന്റെ ശൈലിയില് അലന്സിയര് നടത്തിയ പ്രതിഷേധം വന് ചര്ച്ചയായി മാറിയിരുന്നു. ഇതുമായി ബന്ധപ്പെട്ട് ‘ ആര്ടിസ്റ്റ് അലന്സിയര് നിങ്ങളാണു ശരി’ എന്ന തലക്കെട്ടില് അഴിമുഖം പ്രസദ്ധീകരിച്ച വാര്ത്ത തന്റെ ഫെയ്സ്ബുക്ക് പേജില് ഷെയര് ചെയ്താണ് ടോവിനോ ഫാസിസ്റ്റ് ഭീഷണികള്ക്കെതിരേയുള്ള തന്റെ നിലപാട് വ്യക്തമാക്കിയത്.
ഈ വാര്ത്ത ഷെയര് ചെയ്തുകൊണ്ട് ടോവിനോ കുറിച്ചിരിക്കുന്നത് ഇപ്രകാരമാണ്;
രാജ്യസ്നേഹം ഒരു പ്രത്യേക മതവിഭാഗത്തിന്റെയോ രാഷ്ട്രീയ പാര്ട്ടിയുടെയോ മാത്രം കുത്തക അല്ലല്ലോ! ഞാന് ജനിച്ച ഇന്ത്യ! ഞാന് വളര്ന്ന ഇന്ത്യ! ഞാന് ജീവിക്കും ഇവിടെ!
ഇത് പ്രതിഷേധമല്ല, പ്രതിരോധം തന്നെയാണ്. അലന്സിയര് ലെ ലോപ്പസ്, അലന് ചേട്ടാ, ബിഗ് സല്യൂട്ട്!!!
