1.2 ലിറ്റര് പെട്രോളില് 20.4 കിലോമീറ്ററും 1.5 ലിറ്റര് പെട്രോളില് 16.3 കിലോമീറ്ററും ഡീസലില് 25.5 കിലോമീറ്ററും കമ്പനി മൈലേജ് വാഗ്ദാനം ചെയ്യുന്ന വാഹനത്തിന് 5.95 ലക്ഷം മുതല് 7.74 ലക്ഷം വരെയുമാണ് എക്സ്ഷോറൂം വില.
അമേരിക്കന് വാഹനനിര്മ്മാതാക്കളായ ഫോര്ഡ് തന്റെ ഫിഗോയുടെ പരിഷ്കരിച്ച മോഡലുമായി വിപണിയില്. രൂപത്തിലും എന്ജിനിലും ചെറിയ മാറ്റങ്ങളോടെ ആംബിയന്റ്, ടൈറ്റാനിയം, ടൈറ്റാനിയം ബ്ലു എന്നീ മൂന്ന് വേരിയന്റുകളില് വാഹനം വിപണിയിലെത്തും. നിലവിലുള്ള 1.5 ലിറ്റര് പെട്രോള്, 1.5 ലിറ്റര് ഡീസലിനൊപ്പം പുതിയ 1.2 ലിറ്റര് ഡ്രാഗണ് സീരീസ് പെട്രോള് എന്ജിനും പുതിയ ഫിഗോയിലുണ്ട്. 96 ബിഎച്ച്പി പവറും 120 എന്എം ടോര്ക്കും ഈ പുതിയ 1.2 ലിറ്റര് പെട്രോള് എന്ജിന് സൃഷ്ടിക്കും. 1.5 ലിറ്റര് പെട്രോള് എന്ജിനില് 123 ബിഎച്ച്പി പവറും 150 എന്എം ടോര്ക്കും ലഭിക്കും. 100 ബിഎച്ച്പി പവറും 215 എന്എം ടോര്ക്കു 1.5 ലിറ്റര് ഡീസല് എന്ജിന് സൃഷ്ടിക്കും.
1.2 ലിറ്റര് പെട്രോളില് 20.4 കിലോമീറ്ററും 1.5 ലിറ്റര് പെട്രോളില് 16.3 കിലോമീറ്ററും ഡീസലില് 25.5 കിലോമീറ്ററും കമ്പനി മൈലേജ് വാഗ്ദാനം ചെയ്യുന്ന വാഹനത്തിന് 5.95 ലക്ഷം മുതല് 7.74 ലക്ഷം വരെയുമാണ് എക്സ്ഷോറൂം വില. പുതിയ ബംമ്പര്-റിയര് ബംമ്പര്, ഏഴ് ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റത്തോടെ പുതുക്കിപ്പണിത ഡാഷ്ബോര്ഡ്, ത്രീ സ്പോക്ക് മള്ട്ടി ഫങ്ഷന് സ്റ്റിയറിങ് വീല് എന്നിവയാണ് പുത്തന് ഫിഗോയുടെ പ്രധാന പ്രത്യേകതകള്. അതുപോലെ ഓട്ടോമാറ്റിക് ക്ലൈമറ്റ് കണ്ട്രോള്, ഇലക്ട്രിക് മിറര്, എന്ജിന് സ്റ്റാര്ട്ട് സ്റ്റോപ്പ് ബട്ടണ്, റെയ്ന് സെന്സിങ് വൈപ്പര് എന്നിവയും ഉയര്ന്ന വേരിയന്റിനെ വേറിട്ടതാക്കുന്നു.
ഡ്രൈവര് പാസഞ്ചര് സൈഡ് എയര്ബാഗ്, എബിഎസ്, ഇബിഡി, പാര്ക്കിങ് സെന്സര്, റിയര് വ്യൂ ക്യാമറ , ഉയര്ന്ന വകഭേദത്തില് സൈഡ്-കര്ട്ടണ് എയര്ബാഗ് (ആകെ ആറ് എയര്ബാഗ്), ഇഎസ്പി, ട്രാക്ഷന് കണ്ട്രോള്, ഹില് ലോഞ്ച് അസിസ്റ്റ് എന്നിങ്ങനെയാണ് സുരക്ഷാ സംവിധാനങ്ങളും പുതിയ ഫിഗോയുടെ പ്രത്യേകതകളാണ്.