സഹോദരന്റെ മരണത്തിന് കാരണക്കാരായവരെ ശിക്ഷിക്കണം എന്നാവശ്യപ്പെട്ടായിരുന്നു ശ്രീജിത്തിന്റെ സമരം
കഴിഞ്ഞ ഒന്നര വര്ഷമായി സെക്രട്ടറിയേറ്റിന് മുന്നില് സമരം ചെയ്യുകയും കഴിഞ്ഞ 38 ദിവസമായി നിരാഹാരം കിടക്കുകയും ചെയ്യുന്ന ശ്രീജിത്ത് പിസി ജോര്ജ്ജ് എംഎല്എ-യുടെ ഉറപ്പിന്മേല് നിരാഹാരം അവസാനിപ്പിച്ചു. തന്റെ സഹോദരന്റെ മരണത്തിന് കാരണക്കാരായവരെ ശിക്ഷിക്കണം എന്നാവശ്യപ്പെട്ടായിരുന്നു ശ്രീജിത്തിന്റെ സമരം.
രാഷ്ട്രീയ പാര്ട്ടികളോ മുഖ്യധാരാ മാധ്യമങ്ങളോ ഈ അടുത്ത ദിവസം വരെ ശ്രീജിത്തിനെ ശ്രദ്ധിച്ചിരുന്നില്ല. ഓണ്ലൈന് മാധ്യമങ്ങളിലും സാമൂഹ്യ മാധ്യമങ്ങളിലും ശ്രീജിത്തിന്റെ സമരം ചര്ച്ചയായതോടെ നടിയും ആക്റ്റിവിസ്റ്റുമായ പാര്വ്വതി ഇന്ന് വനിതാ ദിനത്തില് ശ്രീജിത്തിനോടും അമ്മയോടും ഐക്യദാര്ദ്യം പ്രഖ്യാപിച്ച് സമരവേദിയില് എത്തിയിരുന്നു. കുറച്ചു മുമ്പ് എം എല് എ പി സി ജോര്ജ്ജ് ശ്രീജിത്തിനെ കാണാന് എത്തുകയും ചൊവ്വാഴ്ച ശ്രീജിത്തിന്റെ വിഷയം നിയമസഭയില് ഉന്നയിക്കുമെന്നും അതുകൊണ്ട് നിരാഹാരം അവസാനിപ്പിക്കണം എന്നു ആവശ്യപ്പെടുകയും ചെയ്തു. എം എല് എ യുടെ ഉറപ്പിനെ തുടര്ന്നു ശ്രീജിത്ത് തല്ക്കാലം നിരാഹാരം അവസാനിപ്പിക്കുകയായിരുന്നു.
Read: മകന്റെ ജീവനുവേണ്ടി അമ്മ; ഈ വനിതാ ദിനത്തില് ഞങ്ങളുമുണ്ട് അവര്ക്കൊപ്പം
Read: മുഖ്യമന്ത്രീ, ഈ അമ്മ കരഞ്ഞുപറയുകയാണ്, ഒരു മകനെ കൂടി അവര്ക്ക് നഷ്ടപ്പെടരുത്