പണം കൈമാറ്റം ചെയ്തതായി ലഭിക്കുന്ന എസ്എംഎസ് മൊബൈലില് നിന്നും ഡിലീറ്റ് ചെയ്യാതിരിക്കുന്നതും ഗുണം ചെയ്യും
ഒ.ടി.പി (OTP- One Time Password) തട്ടിപ്പ് വഴി പണം നഷ്ടപ്പെട്ടവരെ സഹായിക്കാന് ജില്ലാതലത്തില് പോലീസ് സൈബര് സെല് സംവിധാനം ഒരുങ്ങുന്നു. ഒ.ടി.പി തട്ടിപ്പ് വഴി പണം നഷ്ടപ്പെടുന്നവര് സൈബര് സെല്ലുകളെ വിവരം അറിയിച്ചാല് പണം നഷ്ടപ്പെടാതെ കൈമാറ്റം തടയുന്നതിനും തിരികെ ലഭിക്കുന്നതിനുമുള്ള നടപടികളുമായിരിക്കും ഇവര് സ്വീകരിക്കുക. ഒടിപി തട്ടിപ്പ് വഴി പണം നഷ്ടപ്പെടുന്നവര് എത്രയും വേഗം, കഴിയുന്നതും ആദ്യ രണ്ടു മണിക്കൂറിനുള്ളില് തന്നെ, ആ വിവരം പോലീസില് അറിയിക്കണം.
പോലീസില് വിവരം ലഭിച്ചാലുടന് ആ വിവരം പൊലീസ്, ബാങ്ക്/മൊബൈല് വാലറ്റുകളെ അറിയിക്കും. ബാങ്കിങ്/മൊബൈല് വാലറ്റ് അധികൃതര് ഉടനടി തന്നെ പണം കൈമാറ്റം ചെയ്യാതെ തടഞ്ഞു വയ്ക്കുകയും ചെയ്യും. പണം കൈമാറ്റം ചെയ്തതായി ലഭിക്കുന്ന എസ്എംഎസ് മൊബൈലില് നിന്നും ഡിലീറ്റ് ചെയ്യാതിരിക്കുന്നതും ഗുണം ചെയ്യും.
ഇത്തരം തട്ടിപ്പുകള് കൈകാര്യം ചെയ്യുന്നതിന് അതത് ജില്ലാ സൈബര് സെല്ലില് പരിശീലനം ലഭിച്ച പോലീസ് സംഘത്തെ നിയോഗിച്ചിട്ടുണ്ട്. തട്ടിപ്പുകള്ക്ക് ഇരയായാല് ഉടനടി പോലീസിനെ അറിയിച്ചാല് നഷ്ടപ്പെട്ട പണം തിരികെ ലഭിക്കാന് നടപടി സ്വീകരിക്കുമെന്നും ജില്ലാതല സൈബര് സെല്ലുകളില് ഇതിനുള്ള സൗകര്യമൊരുക്കിയെന്നും സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചിട്ടുണ്ട്.
പരാതിപ്പെടാനുള്ള ജില്ലാ സൈബര്സെല്ലുകളുടെ നമ്പര്
തിരുവനന്തപുരം സിറ്റി 94979 75998
തിരുവനന്തപുരം റൂറല് 94979 36113
കൊല്ലം സിറ്റി 94979 60777
കൊല്ലം റൂറല് 94979 80211
പത്തനംതിട്ട 94979 76001
ആലപ്പുഴ 94979 76000
കോട്ടയം 94979 76002
ഇടുക്കി 94979 76003
കൊച്ചി സിറ്റി 94979 76004
എറണാകുളം റൂറല് 94979 76005
തൃശൂര് സിറ്റി 94979 62836
തൃശൂര് റൂറല് 94979 76006
പാലക്കാട് 94979 76007
മലപ്പുറം 94979 76008
കോഴിക്കോട് സിറ്റി 94979 76009
കോഴിക്കോട് റൂറല് 94979 76010
വയനാട് 94979 76011
കണ്ണൂര് 94979 76012
കാസര്ഗോഡ് 94979 76013