അഴിമുഖം പ്രതിനിധി
പതിനാല് വയസ്സുള്ള പെണ്കുട്ടിയെ പള്ളിമേടയില് വച്ച് പീഡിപ്പിച്ച കേസില് പ്രതിയായ വൈദികനെ പൊലീസ് അറസ്റ്റ് ചെയ്തു. കഴിഞ്ഞ ആറുമാസമായി ഒളിവില് കഴിഞ്ഞിരുന്ന തൃശൂര് പൂമംഗലം സ്വദേശി ഫാദര് എഡ്വിന് ഫിഗറസ് ആണ് അറസ്റ്റിലായത്. ഈ വര്ഷം ജനുവരി മുതല് മാര്ച്ചു വരെ പെണ്കുട്ടിയെ എഡ്വിന് പീഡിപ്പിച്ചുവെന്നാണ് കേസ്. ഇയാള് പെണ്കുട്ടിയെ പള്ളിമേടയിലേക്ക് അനവധി തവണ കൂട്ടിക്കൊണ്ട് പോയത് ശ്രദ്ധയില്പ്പെട്ട വീട്ടുകാര് അന്വേഷിച്ചപ്പോഴാണ് കുട്ടി ഇക്കാര്യം പറഞ്ഞത്. തുടര്ന്ന് പൊലീസില് പരാതി നല്കുകയായിരുന്നു.