ക്വെന്റിന്‍ ടറന്റിനോയുടെ വണ്‍സ് അപ്പോണ്‍ എ ടൈം ഇന്‍ ഹോളിവുഡ്, ആസിഫ് കപാഡിയുടെ ഡീഗോ മറഡോണ എന്നിവയടക്കം കാന്‍ ചലച്ചിത്രോത്സവത്തില്‍ ഇത്തവണ കണ്ടിരിക്കേണ്ട 10 സിനിമകള്‍.
ലോകത്തെ ഏറ്റവും വിഖ്യാതമായ ചലച്ചിത്ര മേളയ്ക്ക് – ഫ്രാന്‍സിലെ കാന്‍ ഫിലിം ഫെസ്റ്റിവലിന് ഇന്ന് തുടക്കം. ക്വെന്റിന്‍ ടറന്റിനോയുടെ വണ്‍സ് അപ്പോണ്‍ എ ടൈം ഇന്‍ ഹോളിവുഡ്, ആസിഫ് കപാഡിയുടെ ഡീഗോ മറഡോണ എന്നിവയടക്കം കാന്‍ ചലച്ചിത്രോത്സവത്തില്‍ ഇത്തവണ കണ്ടിരിക്കേണ്ട 10 സിനിമകള്‍ ദ ഗാര്‍ഡിയന്‍ തിരഞ്ഞെടുത്തിട്ടുണ്ട്.
ഗാര്‍ഡിയന്‍ തിരഞ്ഞെടുത്ത ഇത്തവണത്തെ കാന്‍ ടോപ്പ് 10:
വണ്‍സ് അപ്പോണ്‍ എ ടൈം ഇന്‍ ഹോളിവുഡ് (Once Upon a Time in Hollywood)
സംവിധാനം – ക്വെന്റിന്‍ ടറന്റിനോ
ടറന്റിനോയുടെ പുതിയ ബ്ലാക്ക് കോമഡി ചിത്രത്തില്‍ ലിയനാഡോ ഡി കാപ്രിയോയും ബ്രാഡ് പിറ്റും പ്രധാന കഥാപാത്രങ്ങളെ അവതരിപ്പിക്കുന്നു. മാന്‍ഷന്‍ കുടുംബ കൊലപാതകങ്ങള്‍ ഉലച്ച 1960കളിലെ ഹോളിവുഡും ലോസ് ഏഞ്ചലസുമാണ് പശ്ചാത്തലം.
പോര്‍ട്രെയ്റ്റ് ഓഫ് എ ലേഡി ഓണ്‍ ഫയര്‍ (Portrait of a Lady on Fire)
സംവിധാനം – സെലിന്‍ സിയാമ്മ
ഒരു യുവതിയുടെ പോര്‍ട്രെയ്റ്റ് ചിത്രം അവര്‍ അറിയാതെ വരയ്ക്കാന്‍ നിയോഗിക്കപ്പെടുന്ന യുവ പെയ്ന്ററുടെ കഥ പറയുന്നു ഈ സിനിമ. നവോമി മെര്‍ലന്റ് ആണ് പെയ്ന്ററെ അവതരിപ്പിക്കുന്നത്. ആര്‍ട്ടിസ്റ്റിക് സര്‍വൈലന്‍സ് അടക്കമുള്ള കാര്യങ്ങള്‍ പറയുന്നു.
ലിറ്റില്‍ ജോ (Little Joe)
സംവിധാനം – ജെസീക്ക ഹോസ്‌നര്‍
വളര്‍ത്തുന്നവരില്‍ സന്തോഷം ജനിപ്പിക്കുന്ന ലിറ്റില്‍ ജോ എന്ന പൂ ഉണ്ടാക്കുന്ന പ്ലാന്റ് ബ്രിഡറുടെ കഥ പറയുന്നു. പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് എമിലി ബീഷാമും ബെന്‍ വിഷോയും.
സോറി വി മിസ്ഡ് യു (Sorry, We Missed You)
സംവിധാനം – കെന്‍ ലോ
ഐ ഡാനിയല്‍ ബ്ലേക്ക് അടക്കമുള്ള ശ്രദ്ധേയ സിനിമകള്‍ സംവിധാനം ചെയ്ത കെന്‍ ലോയുടെ പുതിയ ചിത്രം. രണ്ട് തവണ പാം ഡി ഓര്‍ പുരസ്‌കാരം നേടിയിട്ടുള്ള സംവിധായകന്‍. ചിലവ് ചുരുക്കല്‍ സംബന്ധിച്ച ചര്‍ച്ച യുകെ സമൂഹത്തില്‍ ഈ സിനിമ ശക്തമാക്കിയിരുന്നു. ഒരു ഡെലിവറി ഡ്രൈവറുടെ കഥയാണ് പുതിയ സിനിമ പറയുന്നത്. തിരക്കഥാകൃത്ത് പോള്‍ ലെവര്‍ട്ടിയുമായി കെന്‍ ലോ വീണ്ടും ഒരുമിക്കുന്നു.
ദ സ്വാളോസ് ഓഫ് കാബൂള്‍ (The Swallos of Kabul)
സംവിധാനം – സാവൂ ബ്രീറ്റ്മാന്‍, എലീന ഗോബ് മെവെല്ലെക്ക്‌
യാസ്മിന ഖദ്രയുടെ നോവലിനെ ആധാരമാക്കിയുള്ള സിനിമ. ആനിമേഷന്‍ ചിത്രം. 90കളിലെ താലിബാന്‍ നിയന്ത്രണത്തിലുള്ള കാബൂള്‍ ആണ് പശ്ചാത്തലം. താലിബാന്‍ ഭരണത്തില്‍ സംഘര്‍ഷമനുഭവിക്കുന്ന യുവാക്കളുടെ പ്രണയത്തെക്കുറിച്ച് പറയുന്നു.
ദ ഡെഡ് ഡോണ്ട് ഡൈ (The Dead Don’t Die)
സംവിധാനം – ജിം ജാര്‍മുച്ച്
കോമഡി – ഹൊറര്‍ സിനിമ. ടില്‍ഡ സ്വിന്‍ടണ്‍, ബില്‍ മുറേ, ആഡം ഡ്രൈവര്‍ തുടങ്ങിയവര്‍ പ്രധാന കഥാപാത്രങ്ങളായി വരുന്നു. ഇഗ്ഗി പോപ്പും ഒരു ചെറിയ വേഷത്തില്‍.
ആന്‍ ഈസി ഗേള്‍ (An Easy Girl)
സംവിധാനം – റബേക്ക സ്ലോടോവ്‌സ്‌കി
ആണവനിലയത്തിലെ പ്രണയം പറഞ്ഞ ഗ്രാന്‍ഡ് സെന്‍ട്രല്‍ എന്ന സിനിമയിലൂടെ ശ്രദ്ധേയയായ സംവിധായിക. ഫ്രഞ്ച് റിവേറ പശ്ചാത്തലമാക്കിയ ഒരു പ്രണയകഥയാണ് പുതിയ സിനിമ ഈസി ഗേള്‍ പറയുന്നത്.
ഫ്രാങ്കി (Frankie)
സംവിധാനം – ഇറ സാച്‌സ്
പോര്‍ച്ചുഗലില്‍ അവധിക്കാലം ചിലവഴിക്കാനെത്തുന്ന ഒരു കുടുംബത്തിന്റെ കഥ പറയുന്നു. ബ്രെന്‍ഡന്‍ ഗ്ലീസണ്‍, മരീസ ടോമി, ഗ്രെസ് കിന്നര്‍ എന്നിവര്‍ പ്രധാന വേഷങ്ങളില്‍.
സിക്ക്, സിക്ക്, സിക്ക് (Sick, Sick, Sick)
സംവിധാനം – ആലീസ് ഫുര്‍ടാഡോ
ബ്രസീലയന്‍ സംവിധായിക. സങ്കീര്‍ണവും വേദന നിറഞ്ഞതുമായ ഒരു ഹൈസ്‌കൂള്‍ പ്രണയത്തെക്കുറിച്ച് പറയുന്നു. നഹുവല്‍ പെരസ്് ബിസ്‌കായര്‍ട്ട് അടക്കമുള്ളവര്‍ പ്രധാന കഥാപാത്രങ്ങളാകുന്നു.
ഡീഗോ മറഡോണ (Diego Maradona)
സംവിധാനം ആസിഫ് കപാഡിയ
ഫുട്‌ബോള്‍ ഇതിഹാസ താരം ഡീഗോ മറഡോണയെക്കുറിച്ചുള്ള ഡോക്യുമെന്ററി.
