അഴിമുഖം പ്രതിനിധി
കൊക്കൈന് കേസില് അറസ്റ്റിലായവര് നിഷാമിന്റെ ഫ്ലാറ്റ് വാടകയ്ക്ക് എടുത്തതല്ലെന്നും സൗഹൃദത്തിന്റെ പുറത്ത് ഉപയോഗിച്ചതാണെന്നും പൊലീസ്. അറസ്റ്റിലായവരെ ചോദ്യം ചെയ്തതില് നിന്നാണ് ഇക്കാര്യം വ്യക്തമായത്. നിഷാമുമായി അറസ്റ്റിലായവര്ക്ക് ഉണ്ടായിരുന്ന സൗഹൃദമാണ് സ്മോക്കേഴ്സ് പാര്ട്ടി നടത്താന് ഈ ഫ്ലാറ്റ് തെരഞ്ഞെടുക്കാന് കാരണം. ഇതേ ഫ്ലാറ്റില് ഇതിനു മുമ്പും സ്മോക്കേഴ്സ് പാര്ട്ടി നടന്നിട്ടുണ്ടെന്ന് പ്രതികള് പോലീസിനോട് സമ്മതിച്ചിട്ടുണ്ട്. പല ന്യൂ ജനറേഷന് സിനിമാതാരങ്ങളും ഈ സ്മോക്കേഴ്സ് പാര്ട്ടികളില് സ്ഥിരം സാന്നിദ്ധ്യങ്ങള് ആയിരുന്നുവെന്നും പോലീസിന് വിവരം ലഭിച്ചു. പ്രതികളെ ഗോവയില് കൊണ്ടുപോയി തെളിവെടുപ്പ് നടത്തുമെന്ന് പോലീസ് വ്യക്തമാക്കിയിട്ടുണ്ട്.