അഴിമുഖം പ്രതിനിധി
സാംസ്കാരിക മന്ത്രി കെ സി ജോസഫിനെതിരെ കോടതി അലക്ഷ്യ നടപടി ഹൈക്കോടതി സ്വീകരിക്കും. ജസ്റ്റിസ് അലക്സാണ്ടര് തോമസിന് എതിരായ പരാമര്ശത്തില് സിപിഐഎം എംഎല്എ വി ശിവന്കുട്ടി നല്കിയ പരാതിയുടെ അടിസ്ഥാനത്തിലാണ് കേസെടുത്തത്.
ക്രിമിനല് കോടതിയലക്ഷ്യമാണ് ചുമത്തിയിരിക്കുന്നത്. ഫെബ്രുവരി 16-ന് മന്ത്രി നേരിട്ട് കോടതിയില് ഹാജരാകണം. ജഡ്ജിയെ ചായത്തൊട്ടിയില് വീണ് ഓരിയിടുന്ന കുറുക്കന് എന്ന് ജോസഫ് വിളിച്ചിരുന്നു. ഇതാണ് കേസിന് ആധാരം. ഫേസ് ബുക്ക് പോസ്റ്റിലൂടെയാണ് ജോസഫ് ജഡ്ജിക്കെതിരെ രംഗത്ത് എത്തിയത്. പരാതിയില് എജി നിലപാട് അറിയിച്ചിരുന്നില്ല.