അഴിമുഖം പ്രതിനിധി
മഴ മൂലം ഇന്ത്യയും ദക്ഷിണാഫ്രിക്കയും തമ്മില്‍ ബംഗളുരുവില്‍ നടക്കുന്ന രണ്ടാം ടെസ്റ്റിന്റെ മൂന്നാം ദിവസത്തെ കളി ഉപേക്ഷിച്ചു. ഇന്നലേയും മഴ കളി മുടക്കിയിരുന്നു. ഇന്ത്യയുടെ സ്പിന്‍ ആക്രമണത്തില്‍ തകര്‍ന്ന ദക്ഷിണാഫ്രിക്ക
ആദ്യ ദിനം 214-ന് പുറത്തായിരുന്നു. ആദ്യ ഇന്നിങ്‌സ് മറുപടി ബാറ്റിംഗിന് ഇറങ്ങിയ ഇന്ത്യ വിക്കറ്റ് പോകാതെ 80 റണ്‍സ് എടുത്തിരുന്നു. ഇന്ന് ഒരു പന്തുപോലും എറിയാനായില്ല. ആദ്യ ടെസ്റ്റില്‍ പരാജയപ്പെട്ട ദക്ഷിണാഫ്രിക്കയ്ക്ക് ആശ്വാസമാകുകയാണ് മഴ. നാളെ രാവിലെ 9.15-ന് കളി ആരംഭിക്കുമെന്ന് ബിസിസിഐ ട്വീറ്റ് ചെയ്തു.
