കോടതിയില് ഹാജരാക്കാനായി കൊണ്ടുവന്ന പ്രതിയെ ഹരിയാന ഹിസാറിലെ കോടതി വളപ്പില് തോക്കുധാരിയായ അക്രമി വെടിവച്ചു കൊന്നു. കൊലപാതകവും കൊലപാതക ശ്രമവും അടക്കം അനവധി കേസുകളില് പ്രതിയായ സന്ദീപ് എന്ന ബാച്ചിയാണ് കൊല്ലപ്പെട്ടത്. ഹിസാര് ജില്ലയിലെ ബല്സാമന്ത് ഗ്രാമക്കാരനായ സാജിദാണ് സന്ദീപിനെ കൊലപ്പെടുത്തിയത് എന്ന് പൊലീസ് പറയുന്നു. സംഭവ സ്ഥലത്തു വച്ചു തന്നെ സന്ദീപ് മരണത്തിന് കീഴടങ്ങി.