അഴിമുഖം പ്രതിനിധി
ആനവേട്ട കേസ് അന്വേഷണം സിബിഐയ്ക്ക് വിടാന്‍ സര്‍ക്കാര്‍ തീരുമാനിനിച്ചു. അന്തര്‍ സംസ്ഥാന ബന്ധമുണ്ടെന്ന നിഗമനത്തില്‍ സര്‍ക്കാര്‍ എത്തിയതിനെ തുടര്‍ന്നാണ് കേസ് സിബിഐയ്ക്ക് വിടുന്നത്. ഈ ആവശ്യമുന്നയിച്ച് കേന്ദ്ര സര്‍ക്കാരിന് സംസ്ഥാനം കത്തയക്കും. ഈ കേസിലെ മുഖ്യപ്രതിയായ ഐക്കരമറ്റം വാസുവിനെ മഹാരാഷ്ട്രയില്‍ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയിരുന്നു. ആനവേട്ട സംഘത്തിന് അന്തര്‍സംസ്ഥാന ബന്ധമുണ്ടെന്ന നിഗമനത്തിലാണ് വനംവകുപ്പ്.
