അഴിമുഖം പ്രതിനിധി
മുന്‍ വ്യവസായ വകുപ്പ് മന്ത്രി ഇപി ജയരാജനെതിരെയുള്ള ബന്ധുനിയമന കേസിന്റെ അന്വേഷണ പുരോഗതി അറിയിക്കണമെന്ന് കോടതി. തിരുവനന്തപുരം വിജിലന്‍സ് കോടതിയാണ് നിര്‍ദേശം നല്‍കിയിരിക്കുന്നത്. അന്വേഷണവുമായി ബന്ധപ്പെട്ട കേസ് റിപ്പോര്‍ട്ട് ഡിസംബര്‍ 22-നകം കോടതിയില്‍ ഹാജരാകണമെന്നും ഉത്തരവില്‍ പറയുന്നു.
കൂടാതെ ശങ്കര്‍ റെഡ്ഡിയെ വിജിലന്‍സ് മേധാവിയാക്കിയതുമായി ബന്ധപ്പെട്ട മുഴുവന്‍ ഫയലുകളും സമര്‍പ്പിക്കാനും കോടതി നിര്‍ദേശിച്ചു. ഇതു സംബന്ധിച്ച രേഖകള്‍ ഡിസംബര്‍ 19-നു മുമ്പാണ് ഹാജരാക്കേണ്ടത്. ആഭ്യന്തര സെക്രട്ടറിയ്ക്കാണ് കോടതി നിര്‍ദേശം നല്‍കിയിരിക്കുന്നത്.
