മലയാള സിനിമാ ചരിത്രത്തിലെ മികച്ച സംവിധായകരിലൊരാളായ സേതുമാധവന്റെ മകനാണ് സന്തോഷ്.
സന്തോഷ് സേതുമാധവൻ സംവിധാനം ചെയ്യുന്ന രഹസ്യം എന്ന ചിത്രത്തിൽ ദിലീപ് നായകനാകുന്നു.കുടുംബ പശ്ചാത്തലത്തിൽ ഒരുക്കുന്ന രഹസ്യം അടുത്ത വർഷം ചിത്രീകരണം ആരംഭിആരംഭിക്കും. സന്തോഷ് സേതുമാധവന്റെ കഥയ്ക്ക് പി.വി.ഷാജി കുമാർ തിരക്കഥയും സംഭാഷണവും എഴുതുന്നു.നായികയോടൊപ്പം ഒരു കൊച്ചു കുട്ടിയും നിർണായക വേഷത്തിൽ എത്തുന്നുണ്ട്. ഈ വേഷങ്ങളിൽ അഭിനയിക്കുന്ന താരങ്ങളെ നിശ്ചയിച്ചിട്ടില്ല.വ്യത്യസ്തമായ കഥാപാത്രമാണ് ദിലീപിനെ കാത്തിരിക്കുന്നതെന്നാണ് സൂചന.
മലയാള സിനിമാ ചരിത്രത്തിലെ മികച്ച സംവിധായകരിലൊരാളായ സേതുമാധവന്റെ മകനാണ് സന്തോഷ്. ലക്ഷ്മിയെ നായികയാക്കി 1975-ൽ സേതുമാധവൻ ഒരുക്കിയ ഹിറ്റ് ചിത്രമായ ചട്ടക്കാരിയുടെ റീമേക്കിലൂടെയാണ് സന്തോഷ് സംവിധായകനായി അരങ്ങേറ്റം കുറിച്ചത്.എന്നാൽ 2012 -ൽ റിലീസ് ചെയ്ത ആ ചിത്രത്തിന് വിജയം നേടാനായില്ല. പ്രേംനസീറിനെയും ഷീലയെയും ജയഭാരതിയെയും പ്രധാന താരങ്ങളാക്കി 1969-ൽ ശശികുമാർ രഹസ്യം എന്നൊരു സിനിമ സംവിധാനം ചെയ്തിരുന്നു. എന്നാൽ ഇതുമായി തന്റെ ചിത്രത്തിന് യാതൊരു ബന്ധവുമില്ലെന്ന് സന്തോഷ് സേതുമാധവൻ പറഞ്ഞിരുന്നു.
ബിഗ് ബഡ്ജറ്റിൽ ഒരുങ്ങുന്ന ജാക്ക് ഡാനിയൽ. 3ഡി ചിത്രം പ്രൊഫസ്സർ ഡിങ്കൻ എന്നിവയാണ് അണിയറയിൽ ഒരുങ്ങുന്ന മറ്റു ദിലീപ് ചിത്രങ്ങൾ.