അറ്റ്ലിയുടെ സംവിധാനത്തിൽ ഒരുങ്ങുന്ന ചിത്രത്തിന്റെ അവസാനഘട്ട ചിത്രീകരണം ഇപ്പോൾ ചെന്നൈയിൽ
പുരോഗമിക്കുകയാണ്.
തമിഴ് സൂപ്പർ സ്റ്റാർ വിജയ് യും മലയാളികളുടെ പ്രിയ ഫുട്ബാൾ താരം ഐ.എം. വിജയനും ഒന്നിക്കുന്നു. ഫുട്ബാളിന്റെ പശ്ചാത്തലത്തിൽ ഒരുങ്ങുന്ന ബിഗിൽ എന്ന ചിത്രത്തിലാണ് ഇരുവരും ഒന്നിക്കുന്നത്. അറ്റ്ലിയുടെ സംവിധാനത്തിൽ ഒരുങ്ങുന്ന ചിത്രത്തിന്റെ അവസാന ഘട്ട ചിത്രീകരണം ഇപ്പോൾ ചെന്നൈയിൽ പുരോഗമിക്കുകയാണ്. വിജയ് ഇരട്ട വേഷത്തിൽ അഭിനയിക്കുന്നുവെന്ന പ്രത്യേകതയും ചിത്രത്തിനുണ്ട്. അച്ഛനും മകനുമായിട്ടാണ് അഭിനയിക്കുന്നത്. അച്ഛൻ കഥാപാത്രത്തിന്റെ സുഹൃത്തായിട്ടാണ് ഐ.എം. വിജയൻ എത്തുന്നത്.
ഇന്നലെയാണ് അദ്ദേഹം ചിത്രത്തിൽ അഭിനയിച്ചു തുടങ്ങിയത്. തിമിർ, ഗീതു, കൊമ്പൻ,ഗണേശാ വീണ്ടും സന്തിപ്പൊൻ എന്നിവയാണ് ഐ .എം. വിജയൻ നേരത്തെ അഭിനയിച്ച തമിഴ് ചിത്രങ്ങൾ.തെരി, മെർസൽ എന്നീ ചിത്രങ്ങൾക്ക് ശേഷം വിജയ് യും സംവിധായകൻ ആറ്റ്ലിയും ഒന്നിക്കുന്ന ചിത്രമാണിത്. നയൻതാരയാണ് നായിക.കതിർ ,വിവേക്, ഡാനിയേല് ബാലാജി, ജാക്കി ഷ്റോഫ്, റീബ മോണിക്ക ജോൺ , വർഷ ബൊലമ്മ തുടങ്ങിയവരും പ്രധാന വേഷങ്ങളില് എത്തുന്നു. എ.ജി.എസ് എന്റർടെയ്ൻമെന്റ്സാണ് ചിത്രം നിർമ്മിക്കുന്നത്. എ.ആർ. റഹ്മാനാണ് സംഗീതമൊരുക്കുന്നത്.