ജയലളിതയുടെ ജീവിതം പറയുന്ന രണ്ട് സിനിമകള് നേരത്തേ പ്രഖ്യാപിച്ചിരുന്നു. പ്രിയദര്ശിനി സംവിധാനം ചെയ്യുന്ന ‘ദി അയണ് ലേഡി’.നിര്മ്മാതാവ് ആദിത്യ ഭരദ്വാജും ജയലളിതയുടെ ജീവിതകഥ സിനിമയാക്കാന് മുന്നോട്ട് വന്നിരുന്നു
മുന് തമിഴ്നാട് മുഖ്യമന്ത്രിയും എ.ഐ.എ.ഡി.എം.കെ നേതാവുമായിരുന്ന ജയലളിതയുടെ ജീവിതം പറയുന്ന മറ്റൊരു ചിത്രം കൂടി അണിയറയിൽ ഒരുങ്ങുന്നു. എ.എല്.വിജയ് ‘തലൈവി’ എന്ന് പേരിട്ടിരിക്കുന്ന സിനിമ ജയലളിതയുടെ 71-ാം ജന്മദിനമായ ഫെബ്രുവരി 24-നാണ് പ്രഖ്യാപിച്ചത്.
ജയലളിതയുടെ ജീവിതം പറയുന്ന രണ്ട് സിനിമകള് നേരത്തേ പ്രഖ്യാപിച്ചിരുന്നു.സംവിധായകന് മിഷ്കിന്റെ അസോസിയേറ്റ് ആയിരുന്ന പ്രിയദര്ശിനി സംവിധാനം ചെയ്യുന്ന ‘ദി അയണ് ലേഡി’യാണ് ഒന്ന്. നിത്യ മേനോനാണ് ചിത്രത്തില് ജയലളിതയായി അഭിനയിക്കുന്നത്. നിര്മ്മാതാവ് ആദിത്യ ഭരദ്വാജും ജയലളിതയുടെ ജീവിതകഥ സിനിമയാക്കാന് മുന്നോട്ട് വന്നിരുന്നു. തന്റെ കമ്പനിയായ വൈ-സ്റ്റാര് സിനി ആന്ഡ് ടെലിവിഷന് പ്രൈവറ്റ് ലിമിറ്റഡ് നിര്മ്മിക്കുന്ന ചിത്രം മുതിര്ന്ന സംവിധായകന് ഭാരതിരാജ ഒരുക്കുമെന്നായിരുന്നു പ്രഖ്യാപനം. ‘തായ്:പുരട്ചി തലൈവി’ എന്നാണ് ഈ സിനിമയുടെ പേര്.
വിബ്രി മീഡിയയുടെ ബാനറില് വിഷ്ണു വരദനാണ് ‘തലൈവി’യുടെ നിർമ്മാണം. സിനിമയുടെ റിസര്ച്ചിനുവേണ്ടി സംവിധായകന് ഒന്പത് മാസങ്ങള് ചിലവിട്ടതായും റിപോർട്ടുകൾ ഉണ്ട്. ജി വി പ്രകാശ് കുമാര് സംഗീതം പകരുന്ന ചിത്രത്തിന്റെ ഛായാഗ്രഹണം നീരവ് ഷായാണ്. എഡിറ്റിംഗ് ആന്റണി, ആക്ഷന് ഡയറക്ടര് സ്റ്റണ്ട് സിൽവ.
