പ്രകൃതി പിക്ച്ചേഴ്സാണ് നിർമ്മാണം.
ബാലതാരമായി സിനിമയിൽ അരങ്ങേറ്റം കുറിച്ച്, പിന്നീട് ഒരിടവേളക്ക് ശേഷം പൂമരം എന്ന ചിത്രത്തിലൂടെ രണ്ടാം വരവ് നടത്തിയ താരമാണ് കാളിദാസ് ജയറാം. കാളിദാസ് നായകനാക്കി
ജയരാജ് ഒരുക്കുന്ന പുതിയ ചിത്രത്തിന് ബാക്ക്പാക്ക് എന്ന് പേരിട്ടു. വാഗമണ്ണിൽ ഷൂട്ടിംഗ് തുടങ്ങിയ ചിത്രം ഇന്ന് വർക്കലയിലേക്ക് ഷിഫ്ട് ചെയ്യും. പുതുമുഖ നടി കാർത്തികയാണ് നായിക.
ജയരാജിന്റെ കഴിഞ്ഞ ചിത്രങ്ങളായ ഭയാനകം,രൗദ്രം 2018 എന്നീ ചിത്രങ്ങളിൽ നായകനായിരുന്ന രൺജി പണിക്കർ ബാക്ക്പാക്കിൽ ഒരു നിർണായക വേഷം അവതരിപ്പിക്കുന്നുണ്ട്. nചിത്രത്തിന്റെ മറ്റൊരു ലൊക്കേഷൻ കോട്ടയമാണ്. അഭിനന്ദൻ രാമാനുജമാണ് ഛായാഗ്രാഹകൻ. സംഗീതം നിർവഹിക്കുന്നത് സച്ചിൻ ശങ്കർ മന്നത്ത്. തിരക്കഥ ജയരാജിന്റേതാണ്. പ്രകൃതി പിക്ച്ചേഴ്സാണ് നിർമ്മാണം.
മിഥുൻ മാനുവൽ തോമസിന്റെ സംവിധാനത്തിൽ പുറത്തിറങ്ങിയ അർജന്റീന ഫാൻസ് കാട്ടൂർ കടവ് എന്ന ചിത്രമാണ് കാളിദാസിന്റെ ഒടുവിൽ പുറത്തിറങ്ങിയ ചിത്രം. ആട് 2വിനു ശേഷം മിഥുന് മാനുവല് തോമസ് സംവിധാനം ചെയ്ത ചിത്രമാണിത്. കാട്ടൂര്കടവ് ഗ്രാമത്തിലെ അര്ജന്റീന ആരാധകരുടെ കഥയാണ് ചിത്രം പറഞ്ഞത്. അശോകന് ചെരുവിലിന്റെ ചെറുകഥയെ ആസ്പദമാക്കി ഒരുക്കുന്ന ചിത്രത്തിന് സംവിധായകനും ജോണ് മന്ത്രിക്കലും ചേര്ന്നാണ് തിരക്കഥ ഒരുക്കിയിരിക്കുന്നത്. സമ്മിശ്ര പ്രതികരണങ്ങൾ നേടിയ ചിത്രം ബോക്സ് ഓഫീസിൽ പരാജയപ്പെടുകയായിരുന്നു.