ഇന്ത്യയില് ചിത്രം ആദ്യ ദിവസം സ്വന്തമാക്കിയത് 29.16 കോടി രൂപയാണ്. ഒരു അക്ഷയ് കുമാര് ചിത്രത്തിന് ആദ്യ ദിവസം ലഭിക്കുന്ന ഏറ്റവും വലിയ കളക്ഷനാണ് ഇത്
ഇന്ത്യയുടെ ചൊവ്വാ ദൗത്യം പ്രമേയമായി ഒരുങ്ങിയ മിഷൻ മംഗൾ മികച്ച പ്രതികരണം നേടി പ്രദർശനം തുടരുകയാണ്. ബോക്സ് ഓഫീസിലും മികച്ച പ്രകടനം തന്നെയാണ് ചിത്രം കാഴ്ച്ചവെക്കുന്നത്. സിനിമ പ്രദര്ശനത്തിന് എത്തി രണ്ടാം ദിവസം പിന്നിടുമ്പോൾ 46.4 കോടി രൂപയാണ് ചിത്രം സ്വന്തമാക്കിയത്.
ഇന്ത്യയില് ചിത്രം ആദ്യ ദിവസം സ്വന്തമാക്കിയത് 29.16 കോടി രൂപയാണ്. ഒരു അക്ഷയ് കുമാര് ചിത്രത്തിന് ആദ്യ ദിവസം ലഭിക്കുന്ന ഏറ്റവും വലിയ കളക്ഷനാണ് ഇത്. ചിത്രത്തിന് രണ്ടാം ദിവസം ലഭിച്ചത് 17.28 കോടി രൂപയാണ്.
ഐഎസ്ആര്ഒയിലെ മുതിര്ന്ന ശാസ്ത്രജ്ഞനായിട്ടാണ് അക്ഷയ് കുമാര് അഭിനയിക്കുന്നത്. വിദ്യാ ബാലൻ, തപ്സി, സോനാക്ഷി സിൻഹ, നിത്യ മേനോൻ, കിര്തി എന്നിവര് വനിതാ ശാസ്ത്രജ്ഞരായും ചിത്രത്തിലുണ്ട്. വനിതാ ശാസ്ത്രജ്ഞര്ക്കുള്ള ആദരവ് കൂടിയാണ് ചിത്രമെന്നാണ് അക്ഷയ് കുമാര് പറഞ്ഞിരുന്നത്. ഐഎസ്ആര്ഒയുടെ മാര്സ് ഓര്ബിറ്റര് മിഷന്റെ കഥ പ്രചോദനം നല്കുന്നതാണെന്ന് അക്ഷയ് കുമാര് പറഞ്ഞിരുന്നു. യഥാര്ഥ സംഭവങ്ങളില് നിന്ന് പ്രചോദനം ഉള്ക്കൊണ്ട് തയ്യാറാക്കിയ മികച്ച തിരക്കഥയാണ് ഇത്. ചൊവ്വയിലേക്ക് നാസ ഉപഗ്രഹം അയച്ചപ്പോള് ചെലവായത് 6000 കോടി രൂപയോളമാണ്. ഐഎസ്ആര്ഒയ്ക്ക് ചെലവായത് 450 കോടി രൂപമാണ്. വളരെ കുറച്ച് ആള്ക്കാര്ക്ക് മാത്രമേ ഇത് അറിയൂ. എത്ര പണമാണ് നമ്മള് ലാഭിച്ചത്. ഇങ്ങനത്തെ ഒരു കഥ ഇതുവരെ വന്നില്ല എന്നുപറഞ്ഞാല് വിശ്വസിക്കാനാകുമോ. ഇക്കാര്യം പറയണമെന്നുള്ളതുകൊണ്ടാണ് ഞാൻ സിനിമ ഏറ്റെടുത്തത്- അക്ഷയ് കുമാര് പറഞ്ഞിരുന്നു. പ്രൊജക്റ്റില് ഭാഗഭാക്കായ വനിതാ ശാസ്ത്രജ്ഞര്ക്കും എഞ്ചിനീയര്മാര്ക്കുമുള്ള ആദരവു കൂടിയാണ് ചിത്രമെന്നും അക്ഷയ് കുമാര് പറഞ്ഞിരുന്നു.