പ്രമുഖ സബ്ടൈറ്റിലിസ്റ്റ് രേഖ്‍സ് ആണ് പരാധിയുമായി രംഗത്തെത്തിയത്
ബോക്സ് ഓഫീസിൽ മികച്ച പ്രകടനങ്ങൾ കാഴ്ച്ചവെച്ച സൂപ്പർ ഹിറ്റ് ചിത്രങ്ങളുടെ സബ്ടൈറ്റില്‍ ഒരുക്കിയ വ്യക്തിക്ക് പ്രതിഫലം ലഭിച്ചിട്ടില്ലെന്ന് പരാതി. തമിഴ് ചിത്രങ്ങളായ 2.0, അതിന്‍റെ ആദ്യ ഭാഗമായിരുന്ന എന്തിരന് എന്നീ സിനിമകളുടെ സബ് ടൈറ്റില്‍ ഒരുക്കിയ പ്രമുഖ സബ്ടൈറ്റിലിസ്റ്റ് രേഖ്‍സ് ആണ് പരാധിയുമായി രംഗത്തെത്തിയത്. ട്വിറ്ററിലൂടെ ആണ് അവർ ഇക്കാര്യം വെളിപ്പെടുത്തിയത്.
ലൈക്ക പ്രൊഡക്ഷന്‍സ് നിര്‍മ്മിച്ച 2.0യുടെ തമിഴ്, തെലുങ്ക് പതിപ്പുകളുടെ ഇംഗ്ലീഷ് സബ് ടൈറ്റിലിംഗ് ആണ് രേഖ്‍സ് നിര്‍വ്വഹിച്ചത്. എന്നാല്‍ ചിത്രം പുറത്തിറങ്ങി മാസങ്ങള്‍ പിന്നിട്ടിട്ടും തനിക്കും ഒപ്പമുള്ളവര്‍ക്കും നിര്‍മ്മാതാക്കള്‍ ഇനിയും പ്രതിഫലം നല്‍കിയിട്ടില്ലെന്ന് രേഖ്‍സ് ആരോപിക്കുന്നു. ഇക്കാര്യം ആവശ്യപ്പെട്ടുള്ള ഇ-മെയിലുകള്‍ക്കോ ടെലിഫോണ്‍ കോളുകള്‍ക്കോ ലൈക്ക പ്രൊഡക്ഷന്‍സ് മറുപടി നല്‍കുന്നില്ലെന്നും അവര്‍ ആരോപിക്കുന്നു.
can @LycaProductions pls let me know when my team & i will be paid for #2pointO we handed over all reels, both langs in good faith, trusting u won’t let us dwn. Sadly my last resort but i strongly feel cast & crew shd b paid. i cn u/s delay but not this silence 2my calls/mail ?
— rekhs (@rekhshc) August 12, 2019
2.0 നിര്‍മ്മാതാവില്‍ നിന്ന് നേരിട്ട അനീതിയെക്കുറിച്ചുള്ള ട്വീറ്റിന് ശേഷമാണ് രേഖ്‍സ് 2.0യുടെ ആദ്യ ഭാഗമായിരുന്ന എന്തിരന്റെ കാര്യവും അറിയിക്കുന്നത്. സണ്‍ പിക്ചേഴ്‍സ് നിര്‍മ്മിച്ച എന്തിരന് സബ്ടൈറ്റിലിംഗ് നിര്‍വ്വഹിച്ചതിനും പ്രതിഫലമൊന്നും ലഭിച്ചില്ലെന്ന് അവര്‍ പറയുന്നു. ഇക്കാര്യം നേരിട്ട് ഉന്നയിക്കാന്‍ സണ്‍ പിക്ചേഴ്സിന്‍റെ ഓഫീസില്‍ എത്തിയപ്പോള്‍ പരിശോധിച്ച ശേഷം അറിയിക്കാമെന്നാണ് അവര്‍ അറിയിച്ചതെന്നും പ്രതിഫലത്തിനായി ഇപ്പോഴും താന്‍ കാത്തിരിപ്പ് തുടരുകയാണെന്നും രേഖ്‍സ് ട്വിറ്ററില്‍ കുറിച്ചു. എന്തിരന്റെ സമയത്ത് തന്നെ ഷങ്കറിനെ ഇക്കാര്യം അറിയിച്ചതാണെന്നും അദ്ദേഹം ക്ഷമ ചോദിച്ചിരുന്നുവെന്നും അവര്‍ പറയുന്നു. “നന്‍പന്‍റെ സബ് ടൈറ്റില്‍ (ഷങ്കര്‍ എന്തിരന് ശേഷം സംവിധാനം ചെയ്ത ചിത്രം-2012) പൂര്‍ത്തിയാക്കുന്നതിന് മുന്‍പ് ഇക്കാര്യം പരിഹരിക്കാമെന്നാണ് അദ്ദേഹം അന്ന് ഉറപ്പ് നല്‍കിയത്.” രജനീകാന്തിനെയോ ഷങ്കറിനെയോ ഇക്കാര്യത്തില്‍ കുറ്റപ്പെടുത്താനില്ലെന്നും ഇത് നിര്‍മ്മാതാക്കളുമായുള്ള പ്രശ്നമാണെന്നുമാണ് രേഖ്‍സ് പറയുന്നു.
when i went to sun pictures and askd them to pay me for #enthiran they said they will verify and get bk. i am still waiting!! dir shankar was such a gentleman, he apologized to me (he need not at all) ensured i was paid before i even delivered subs for #nanban! #Respect ? https://t.co/rYD08NiHet
— rekhs (@rekhshc) August 12, 2019
