അഴിമുഖം പ്രതിനിധി
തമിഴ് നാട് മുഖ്യമന്ത്രി ജയലളിതയെ വിമര്‍ശിച്ചതിന് അറസ്റ്റിലായത് നാടന്‍ പാട്ടുകാരന്‍ കോവന് ജാമ്യം ലഭിച്ചു. അറസ്റ്റിലായി നാലാഴ്ചയ്ക്കുശേഷമാണ് കോവന് ചെന്നൈ സെഷന്‍സ് കോടതി ജാമ്യം അനുവദിച്ചത്. ഒക്ടോബര്‍ 30-നാണ് കോവന് അറസ്റ്റിലായത്. മദ്യ നിരോധന വിഷയത്തില്‍ സര്‍ക്കാരിനെ വിമര്‍ശിച്ചു കൊണ്ടുള്ള പാട്ട് കോവന് പുറത്തിറക്കിയിരുന്നു. ഇതേതുടര്‍ന്ന് ജയലളിതയ്ക്ക് എതിരെ അപകീര്‍ത്തികരമായ പരാമര്‍ശം നടത്തിയെന്ന് ആരോപിച്ച് കോവനെ പൊലീസ് അറസ്റ്റ്‌ ചെയ്യുകയായിരുന്നു.
