വ്യക്തിജീവിതവും ജോലിയും ക്രമപ്പെടുത്തിയ പ്രായമാകും നാല്പതുകള്‍. തീര്‍ച്ചയായും സമയം കൂടുതല്‍ ലഭിക്കാന്‍ സാധ്യതയുണ്ട്.
40 വയസ്സ് എത്തിയെങ്കില്‍ ഇനി നിങ്ങള്‍ ശ്രദ്ധിക്കേണ്ട ചിലതുണ്ട്. പ്രത്യേകിച്ച് ആരോഗ്യകാര്യത്തില്‍. നിരവധി ആരോഗ്യപ്രശ്‌നങ്ങള്‍ തുടങ്ങാന്‍ സാധ്യതയുള്ള പ്രായമാണിത്. കൃത്യമായ മെഡിക്കല്‍ ചെക്ക്-അപ്പ് ആരംഭിക്കേണ്ട പ്രായം!
*നടക്കണം,കുറച്ചുകൂടെ വേഗത്തില്‍; ചെറിയ വ്യായാമം അല്ല നടത്തം. വ്യക്തിജീവിതവും ജോലിയും ക്രമപ്പെടുത്തിയ പ്രായമാകും നാല്പതുകള്‍. തീര്‍ച്ചയായും സമയം കൂടുതല്‍ ലഭിക്കാന്‍ സാധ്യതയുണ്ട്. അതില്‍ 45-മിനിറ്റ് ദിവസവും നടക്കാനായി മാറ്റിവെക്കുക. കലോറി കുറയും, ശരീരഭാരം കുറയും. അതുവഴി ആരോഗ്യവും മെച്ചപ്പെടും. ജീവിതശൈലി രോഗങ്ങള്‍ ഉള്ളവര്‍ക്ക് ഈ ശീലം ഉപകാരപ്പെടും.
*കുടുംബത്തിന്റെ ആരോഗ്യചരിത്രം പഠിക്കുക: നിങ്ങള്‍ക്ക് വരാന്‍ സാധ്യതയുള്ള രോഗങ്ങള്‍ കുടുംബങ്ങളുടെ ആരോഗ്യകാര്യങ്ങള്‍ വഴി നമുക്ക് തിരിച്ചറിയാനാകും. മൂന്ന് തലമുറയുടെ രോഗങ്ങളാണ് ശ്രദ്ധിക്കേണ്ടത്. ഡോക്ടര്‍ക്കും നിങ്ങളുടെ ചികിത്സ എളുപ്പാകും. ഹാര്‍ട്ട് അറ്റാക്ക്,സ്‌ട്രോക്ക്,ക്യാന്‍സര്‍ തുടങ്ങി വിവിധ രോഗങ്ങള്‍ക്കുള്ള സാധ്യതയും മുന്‍കൂട്ടി അറിയാനാകും.
*കൃത്യമായ ഹെല്‍ത്ത്-ചെക്ക് അപ്പ്: സ്ഥിരമായ മെഡിക്കല്‍ അവലോകനം ആവശ്യമായ പ്രായമാണിത്. ലിംഗം, കുടുംബം, ജീവിതശൈലി എന്നിങ്ങനെ പല ഘടകങ്ങള്‍ ചേരുന്നതാണ് ഓരോ അസുഖവും. വൈദ്യപരിശോധന മുടങ്ങാതെ ചെയ്യുക.
*നല്ല ഭക്ഷണം: നാര് കൂടുതല്‍ അടങ്ങിയ ആഹാരസാധനങ്ങള്‍ കഴിക്കുക. ഉദരസംബന്ധമായ അസുഖങ്ങള്‍ ഒഴിവാക്കാന്‍ സാധിക്കും. ആവശ്യത്തിന് ശരീരഭാരം, രക്തത്തിലെ പഞ്ചസാരയുടെ നിയന്ത്രണം എന്നിവയെല്ലാം സാധ്യമാകും.
*ഹൃദയത്തിന് വേണം കരുതല്‍: ആഴ്ചയില്‍ 3 ദിവസം 30മിനിറ്റ് നേരം വീതം ഹൃദയാരോഗ്യത്തിന് വേണ്ട ആക്ടിവിറ്റികളില്‍ ഏര്‍പ്പെടുക. ഹൃദയാരോഗ്യ സംരക്ഷണത്തിന് വേണ്ട ആഹാരം കഴിക്കാനും ശ്രദ്ധിക്കുക.
*ആ നമ്പറുകള്‍ ഓര്‍ത്ത് വെക്കണം: രക്തസമ്മര്‍ദം, ഷുഗര്‍, കൊളെസ്‌ട്രോള്‍, ട്രൈഗ്ലിസറൈഡ്‌സ് എന്നിവയുടെ അളവ് ഓരോ മാസത്തേയും ഓര്‍മയില്‍ വേണം. ശരീരഭാരം, ബിഎംഐ എന്നിവയും അറിഞ്ഞിരിക്കണം. രോഗം വരാനുള്ള സാധ്യത അങ്ങനെ ഒഴിവാക്കണം.
ഉപ്പില്‍ ഒരു ശ്രദ്ധ: നിങ്ങള്‍ കഴിക്കുന്ന ഉപ്പിന്റെ അളവ് ശ്രദ്ധയില്‍ വെക്കുക. ഉപ്പ് അമിതമായാല്‍ ബിപി ഉയരും. തലച്ചോറിന്റെ പ്രവര്‍ത്തനത്തെ വരെ ബാധിക്കുന്ന അവസ്ഥയുണ്ടാകും.
